Death, does it help us live?

သေခြင်းတရား၊ ဘ၀ကို အကျိုးပြုသလား?

သေမယ်မှန်း သိတာ ဘ၀ကို အကျိုးပြုသလား။ ဘယ်လို အကျိုးပြုတာလဲ။

ကျွန်တော်တို့ဟာ ဘ၀ကို ပေါ့ပေါ့တန်တန် သဘောထားတတ်ကြတယ်။ အထူးသဖြင့် ငယ်စဉ်အခါမှပေါ့။ ဘယ်တော့မှ မသေ၊ အမြဲ နေရတော့မယ်လို့ ထင်ကြတယ်လေ။ ဒါပေမယ့် စက္ကန့်တိုင်း စက္ကန့်တိုင်း ဘာဖြစ်မယ် ဆိုတာ ဘယ်သူမှ မသိ။ လူတစ်ယောက်ဟာ အခု ကျန်းကျန်းမာမာ နေနိုင်ပေမယ့် မျက်စိ တစ်မှိတ် လျှပ်တစ်ပြက်အတွင်း သေသွားကောင်း သေသွားနိုင်ပါရဲ့ ။ ဒါဟာ ဘ၀ရဲ့ တန်ဖိုးနဲ့ သေခြင်းတရားရဲ့ မသေချာ မရေရာမှုတွေကို မီးမောင်းထိုးပြ လိုက်တာပါပဲ။ သေခြင်းတရားဟာ "ထူးခြား နက်နဲတဲ့ မသိတရား" မို့ ကြက်သီးမွေးညင်း ထလောက်အောင် ကြောက်ရွံ့ ထိတ်လန့်စရာ ကောင်းလှပါရဲ့ ။ သေခြင်းတရား ရောက်မလာခင် အစောကြီးကတည်းက.. သေခြင်းတရားကို ရှောင်လွှဲလို့ မရနိုင်မှန်းလည်း ကျွန်တော်တို့ ကြိုသိထားကြလေတော့ ပူပင်သောက ရောက်ကြရသလို ဆောက်တည်ရာမရလောက်အောင်ပင် စိတ်နှလုံး မသာမယာ ဖြစ်တတ်ကြတယ်။ ဒီကြောက်ရွံ့ မှုနဲ့ စိတ်ဆင်းရဲမှုကြောင့် သေခြင်းတရားကို အလေးအနက် နှလုံးမသွင်း မဆင်ခြင်နိုင်ကြပါဘူး။ သေခြင်းတရားက ကျွန်တော်တို့ရဲ့ ချမ်းမြေ့ပျော်ရွှင်မှုကို အနှောက်အယှက် ပေးလို့ပါပဲ။ ဒါကို ဘယ်လို ရင်ဆိုင် ဖြေရှင်းရမယ်၊ အနာဂတ်ရဲ့ အကျဉ်းသားအဖြစ်မခဲ ပစ္စုပ္ပန် ကိစ္စတွေကြောင့် စိတ်ထိခိုက် တုန်လှုပ်မှု မရှိဘဲ ဘယ်လို လွတ်လွတ်လပ်လပ် နေထိုင်ရမယ် ဆိုတာ ကျွန်တော်တို့ သိဖို့ လိုပါတယ်။ ကျွန်တော်တို့ရဲ့ နိစ္စဓူဝ ဘ၀ထဲ စိတ်ရောကိုယ်ပါ နှစ်မြှုပ်ပြီး "ရိုးရိုးကျင့် မြင့်မြင့်ကြံ" နေထိုင်နိုင်ကြတဲ့ အခါမှာ လွတ်လွတ်လပ်လပ် ရှင်သန် ရပ်တည်နိုင်ကြပါပြီ။ ဘ၀ရဲ့ တကယ့် သဘာဝ အစစ်အမှန် (ပရမတ္ထ သစ္စာ) ကို သိမြင်နိုင်ရင် မိမိတို့ရဲ့ အဇ္ဈတ္တ သန္တာန်မှာ မဟာ လွတ်မြောက်မှု ချမ်းသာ (၀ိမုတ္တိ ရသ) ကို ခံစားကြပါတယ်။ လွတ်မြောက်မှုဟာ ပျော်ရွှင် ချမ်းမြေ့မှုရဲ့ အနှစ်သာရပါပဲ။

ဘ၀-မရဏနဲ့ ပက်သက်လို့ကတော့ ကျွန်တော်တို့အားလုံး တစ်ပြေးတည်း တစ်သားတည်းပါပဲ။ ကျွန်တော်တို့ အားလုံး (တစ်နေ့နေ့) သေကြမှာပါပဲ။ သေမင်းက ကျောသား ရင်သား မခွဲခြားဘဲ လူတိုင်းကို လာခေါ်ပါလိမ့်မယ်။ လူတိုင်း သေရမယ် ဆိုပေမယ့် မသေခင် ကောင်းကောင်း နေနိုင်ပါသလား။ မိမိရဲ့ ပတ်ဝန်းကျင်နဲ့ အတွေးနယ်ထဲ နစ်မြှုပ်မခံဘဲ ဘ၀မှာ ကောင်းကောင်း နေ၊ ပျော်ပျော် နေတာမျိုးပေါ့။ ကျွန်တော်ရဲ့ နောက်ဆုံး ထွက်သက် အထိ ကောင်းကောင်း နေမယ်လို့ သန္နိဋ္ဌာန် ချထားတယ်။ (တစ်နေ့နေ့) ကျွန်တော်တို့ သေရမယ် ဆိုရင် တတ်နိုင်သမျှ အကောင်းဆုံး ဖြစ်အောင် နေရပါမယ်။ အကောင်းဆုံး ဖြစ်အောင် မနေနိုင်ရင် ဘယ်အတွက်ကြောင့်များ နေသင့်ပါသလဲ။ "ဘ၀" ဆိုတဲ့ ထူးခြားတဲ့ အရာတစ်ခု သင့်မှာ ရှိတဲ့အတွက် သင့် ဆန္ဒ မှန်သမျှ ဖြည့်ဆည်းနိုင်အောင် အသုံးချ သင့်တယ်။ ဒါဟာ ဘ၀မှာ ဘယ်လို ကျင့်ကြံ နေထိုင် သင့်တယ် ဆိုတာပါပဲ။ " ကောင်းကောင်း နေ ကောင်းကောင်း သေ" (အနေကောင်းမှ အသေ ကောင်းမည်) ဆိုတဲ့ ဆိုရိုးစကားဟာ ထူးခြား လေးနက်တဲ့ အဓိပ္ပာယ် ဆောင်တယ်။ ကျွန်တော်တို့ရဲ့ ဘ၀ဟာ ကာယိက ဒုက္ခနဲ့ စေတသိတ်က ဒုက္ခတို့ရဲ့ ကန့်သတ်မှု ဘောင်တွေထဲမှာ ပိတ်မိနေရင်တော့ အဲဒီ ဘ၀ဟာ လွတ်လွတ်လပ်လပ် နေရတဲ့ အဓိပ္ပာယ်မျိုး မဆောင်ပါဘူး။ ကျွန်တော်တို့ သေရမယ် ဆိုတာ သိထားတော့ ကျွန်တော်ရဲ့ ဘ၀မှာ စိတ်ရောကိုယ်ပါ မြှုပ်နှံပြီး ကောင်းကောင်းမွန်မွန် နေဖို့ စိတ်ပိုင်း ဖြတ်ထားတယ်။ ကျွန်တော်တို့ဟာ မသေခင် ငြိမ်းချမ်း ပျော်ရွှင် လွတ်လွတ်လပ်လပ် မနေနိုင်ကြရင်တော့ သေတာနဲ့ မခြာ နေရသလိုမျိုးပါပဲ။ (ရှင်လျက်နဲ့ သေနေတဲ့ ဘ၀မျိုးပေါ့။)

"ခင်ဗျား ကင်ဆာ ဖြစ်နေပြီ။ ခြောက်လပဲ နေရတော့မယ်" လို့ ဆရာဝန်ပြောတာကို ကြာလိုက်ရသူအဖို့ လုံးဝ ဖြေမဆည်နိုင်အောင် စိတ်ထိခိုက် ခံစားရပါတယ်။ ခြောက်လ နေရင် ငါ သေရတော့မှာပဲ ဆိုတဲ့ တွေးကြောက်မှုကြောင့် ဘ၀ ရှင်သန်မှုရဲ့ ချမ်းမြေ့ ပျော်ရွှင်မှု မှန်သမျှ လေနှင် တိမ်အလား လွင့်ပျောက်သွားပါတော့တယ်။ အဲဒီ လူမှာ ကင်ဆာရှိတယ်လို့ ဆရာဝန်က မပြောခင် သူ့ရဲ့ မိတ်ဆွေ သူငယ်ချင်းတွေနဲ့ ပျော်ပျော် နေနိုင်စွမ်း သူ့မှာ ရှိပါရဲ့ ။ ဒါပေမယ့် ဆရာဝန်က ၀မ်းနည်းစရာ သတင်းဆိုးကို ပြောပြလိုက်တော့ အဲဒီလူခင်ဗျာ လက်ဖက်ရည်တစ်ခွက်ကို အရသာခံ ထိုင်သောက်နိုင်စွမ်း မရှိရှာတော့... ထမင်း တစ်နပ်ကို မြိန်ရေရှက်ရေ စားနိုင်စွမ်းလည်း မရှိရှာတော့... ကြယ်တာရာတွေကို ကြည့်ရှု ခံစားနိုင်စမ်းလည်း မရှိရှာတော့... အားလုံး လက်လွတ် ဆုံးရှူံးသွားပါပြီ။ သေမင်း လက်ထဲ ရောက်မယ့် အချိန်ကိုပဲ လိပ်ပြာလွင့်မတတ် တွေးကြောက်နေရှာတော့တာကိုး။ သေမင်း လက်က ပြေမလွတ်နိုင်တော့ ကျွန်တော်တို့ရဲ့ လွတ်လပ်မှု အားလုံး ဆုံးရှူံးသွားတော့တာပေါ့။ သေမင်းဟာ လူတိုင်းထံ ရောက်လာမယ့် တရားပဲလို့ လက်ခံ ယုံကြည်နိုင်ရင်တော့ သင့်ရဲ့ ပူပင်သောကတွေ လျော့ပါး သက်သာသွားပါလိမ့်မယ်။

ဘ၀နေနည်းနဲ့ ပက်သက်လို့ မိုဟန်ဒတ်(စ်) ဂန္ဒီက ပွင့်ပွင့်လင်းလင်း မိန့်ဆိုခဲ့တယ်... "အတိတ်နောက် ကိုလည်း မလိုက်နဲ့။ အနာဂတ်ထဲမှာလည်း မနစ်မျောနဲ့။ အတိတ်က မရှိတော့ဘူး။ အနာဂတ်က ရောက်မလားသေး။ ဘ၀ကို ပစ္စပ္ပုန်တည့်တည့် အရှိကို အရှိအတိုင်း (ယထာဘူတကျကျ) ရှုမှတ်ပွားများတဲ့ လူဟာ တည်တည်ငြိမ်ငြိမ် လွတ်လွတ်လပ်လပ် နေထိုင်နိုင်ပါတယ်" တဲ့။ လူအတော်များများဟာ အတိတ်ထဲ တွေးရင်း မလွတ်မြောက်နိင် ဖြစ်ကြရတယ်။ အတိတ်က မရှိတော့ဘူး။ အတိတ်ကို ပစ္စုပ္ပန်နဲ့ နှိုင်းယှဉ်ပြီး အတိတ်ဟာ ပစ္စုပ္ပန်ထက် ပိုလှတာပဲလို့ ကျွန်တော်တို့ ပြောကြရဲ့ ။ ဒါပေမယ့် အဲဒီ အတိတ် တဒင်္ဂ အချိန်လေးတွေမှာ နေခဲ့ကြတုန်းက သူတို့ကို အမှန်တကယ် တန်ဖိုး မထားကြပါဘူး။ အနာဂတ် မနက်ဖြန်နဲ့ ပတ်သက်လို့ စိတ်ကူးထဲမှာ ပုံဖော်ယူတဲ့ ပုံရိပ် ပညတ်တွေပါပဲ။ ဒါ ဖြစ်မယ် ထင်တယ်။ ဟိုဟာ ဖြစ်မယ် ထင်တယ်။ အဲဒီလို စိတ်ကူးတည့်ရာ တွေးတောကြတော့တာပဲ။ ဒါဟာ ကျွန်တော်တို့ကို ကြောက်ရွံ့ ထိတ်လန့်စေတဲ့ အရာပါပဲ။ ကြောက်စိတ်ဟာ သဘာဝအလျောက် မဖြစ်ပေါ်ပါ။ ကြောက်စိတ်ဟာ ကျွန်တော်တို့ရဲ့ အတွေး ၀ိဘက် ကနေ လာတာပါ။ ဒါ မနက်ဖြန် ဖြစ်မှာပဲ၊ ဟိုဟာ မနက်ဖြန် ဖြစ်မှာပဲ.. ဆိုတဲ့ တွေးလုံးတွေပေါ့။ အနာဂတ်ဟာ ရောက်မလာသေးတဲ့ အရာဆိုတာ သတိပြုပါ။ အနာဂတ်ဟာ ဘယ်တော့မှ မရှိလေတော့ ရောက်လာတဲ့ အချိန်ဆိုတာလည်း ပစ္စုပ္ပန်ပါပဲ။

မနက်ဖြန် နောက်ကျလွန်းတဲ့ အထိ စောင့်မနေဖို့ ဒီနေ့ ကျွန်တော်တို့ လုံ့လ ၀ီရိယ စိုက်ထုတ်ကြရမယ်။ ကျော်ကြား ထင်ရှားတဲ့ နယ်(လ်)ဆင် မင်ဒဲလားက မိန့်ဆိုတယ်... "ဒီနေ့ပဲ ရှိတာ။ ဒီနေ့ အကောင်းဆုံး ဖြစ်အောင် ကျွန်တော်တို့ လုပ်ကြပါစို့။ သတိပဋ္ဌာန် တရား ပွားများ အားထုတ်ဖို့ အတွက် အခြေအနေ အားလုံး လူတွေက ကျွန်တော်တို့ကို ပေးထားကြရဲ့ သားနဲ့ ကျွန်တော်တို့ မကျင့်ကြဘူးဗျာ။ မနက်ဖြန်မှ ကျင့်မယ်၊ ဒီနေ့ ကျင့်စရာ မလိုဘူးလို့ ကျွန်တော်တို့ ပြောကြတယ်။ ဒါပေမယ့် အနိစ္စ တရားကြောင့် မနက်ဖြန် ဆိုတာ နောက်ကျ လွန်းနေပါပြီ" တဲ့။ သေခြင်းတရားက မမျှော်လင့်ဘဲ ရောက်လာတတ်တယ်။ သေမင်းနဲ့ တောင်းတောင်းပန်ပန် ညှိနှိုင်းလို့လည်း မရ။ သေမင်းကို တံစိုးလက်ဆောင်ပေးပြီး အချိန်ရွှေ့ ခိုင်းလို့လည်း မရ။ လူသားတွေရဲ့ စွမ်းရည်သတ္တိကို မှတ်ကျောက်တင် စမ်းသပ်မှုကတော့ ပျော်မွေ့ ကျေနပ်တဲ့ ဘ၀မှာ နေထိုင်ဖို့အတွက် မိမိကိုယ်ကို တိုးတက် ကောင်းမွန်အောင် လုပ်ဆောင်ဖို့ပါပဲ။ အဲဒီလို လုပ်ဆာင်ရင်ဖြင့် ကျွန်တော်တို့ သေချိန်တန်တော့ စိတ်ချမ်းချမ်းသာသာကြီး သေကြမယ်ဆိုတာ အတတ်ပြောရဲပါရဲ့ ။ ဒါကြောင့်မို့ သေခြင်းတရားဟာ ကျွန်တော်တို့ ကြံ့ခိုင် လွတ်လပ်စွာ နေနိုင်အောင် အထောက်အကူပြု စေ့ဆော်အားပေးတဲ့ တရား ဖြစ်လာပါပြီ။

P.S - Source: http://www.echeat.com/essay.php?t=28846

".. သစ္စာ အမွေ.."

Dear Junior!!!

ဝေါဟာရပေါင်း ထောင်သောင်းမက ရှိတဲ့အထဲမှာ ဒီ "သစ္စာ - Truth" ဆိုတဲ့ စကားလုံးဟာ အလေးနက်ဆုံး၊ တန်ဖိုးအရှိဆုံးနဲ့ အမြင့်မားဆုံး စကားလုံး ဖြစ်မယ်လို့ ထင်တယ်။ ဒါကြောင့်မို့ မေတ္တာရှေ့ ထားပြီး သစ္စာ စကား ပြောချင်ပါတယ်။

မင်းဟာ တန်ဖိုးရှိတဲ့ လူဖြစ်ချင်ရင် မဖောက်ပြန်ရဘူး................
အဆင့်အတန်းမြင့်တဲ့ လူဖြစ်ချင်ရင် မသွေဖည်ရဘူး.................
အမျိုးမှန် အဖိုးတန်တဲ့ လူဖြစ်ချင်ရင် မတိမ်းစောင်းရဘူး...........
အဲဒါ သစ္စာပဲ။















သစ္စာရှိဖို့အတွက် ဖြောင့်ဖြောင့်မှန်မှန် နေရမယ်။ တည်တည်တန့်တန့် ရှိရမယ်။ ဖြူစင်ရိုးသားတဲ့ နှလုံးသားလည်း ရှိရမယ်။
စကားလုံးတွေထဲမှာ ငါအကြိုက်ဆုံး စကားလုံးက "သစ္စာ" ဖြစ်တယ်။ ငါမကြိုက်ဆုံးနဲ့ အကြောက်ဆုံးစကားလုံးကတော့ သစ္စာဖောက်ဆိုတဲ့ စကားဖြစ်တယ်။ အဲဒီ နာမည်ဆိုးဟာ ငါအကြောက်ဆုံးနဲ့ မနှစ်သက်ဆုံး စကားလုံးပဲ။

အင်္ဂလိပ်လို TRUTH ကို ဗျည်းအက္ခရာအလိုက် ဘေးတိုက် စဉ်ကြည့်လိုက်တော့ ဒီလိုဖြစ်လာတယ်။
T - Truth ....... သစ္စာတရား
R - Reality...... အမှန်တရား
U - Unity ....... စည်းလုံးညီညွတ်မှု
T - Time ........ အချိန်
H - Honesty .. ရိုးသားခြင်း

သစ္စာကို တန်ဖိုးထားတဲ့သူများဟာ Truth မှာပါတဲ့ စကား (၅) လုံးကို မျက်ခြည်ပြတ်လို့ မဖြစ်ဘူး။

1). ဗွေဆော်ဦးအက္ခရာ T ကတော့ မူရင်း စကားလုံး Truth ဆိုတဲ့ သစ္စာစကားကို ညွှန်းဆိုတယ်။

2). Reality ဆိုစကားအရ အမှန်တရားကို မျက်ခြည်မပြတ်ရဘူး။ "Be the facer of reality." အမှန်တရားကို ရင်ဆိုင်သူ ဖြစ်ရမယ်။

3). Unity is strength. ညီညွတ်ခြင်းဟာ အင်အားတဲ့။

4). Time is diamond. အချိန်ဆိုတာ စိန်ရတနာ။ Time never changes. အချိန်သည်မပြောင်း။ အချိန်သည် မဖောက်ပြန်၊ အချိန်သည် မှန်၏။ သစ္စာရှိ၏။ Be true like time. အချိန်ကဲ့သို့ သစ္စာရှိပါ။

5). Honesty is the best policy. ရိုးသားခြင်းကား အကောင်းဆုံး ကိုယ်ကျင့်တရား။

ဒီတော့ မင်းဟာ သစ္စာဘက်တော်သား ဖြစ်ရမယ်။ သစ္စာကို ဦးထိပ်ထားရမယ်။ နောက်ဆုံးပြောလိုက်မယ် သစ္စာကို ကိုးကွယ်ရမယ်။
"ဘာပဲဖြစ်ဖြစ် ရိုးသားဖြောင့်မတ် ဖြူစင်ခြင်းဟာ ပစ်ခွာမထားရတဲ့ သစ္စာတရား အလှပဲ မဟုတ်လား.."

P.S - နောက်နှစ်ထဲမှာ လူ့လောကထဲ ရောက်ရှိလာတော့မဲ့ ကျွန်တော်နဲ့မဟေသီတို့ရဲ့ JUNIOR လေးကို လက်ဆင့်ကမ်းပေးတဲ့ သစ္စာအမွေလေးပါ။

" True Love "

Far away, though
So close our thoughts
In time of loneliness,
No bitterness
In our yearning
With honeyed love
So hard
We Cling to each other.
[yu ya]

" အချစ်စစ် "
အနေဝေးပေမယ့်
အတွေးချင်းနီးနေတော့

အထီးကျန်ခံစား
အလွမ်းများက
မခါးသက်ဘဲ
အချစ်များနဲ့
ချိုမြိန်နေခဲ့တာ
ကိုယ်တို့နှစ်ယောက်
သိပ်ချစ်နေလို့ပါ။
[yu ya ]

P.S ။ မြန်မာပြည် တစ်လ အလည်ပြန်သွားတဲ့ ကျွန်တော်ရဲ့ မဟေသီလေးကို ရည်ရွယ်ပါသည်။

ဆန္ဒမွန်ဖြင့်
yu ya

" ဆန္ဒပြင်းထန် စိတ်ထက်သန် ကြိုးစား ရက်မှန်မှန် "

"....ညီအစ်ကို မောင်နှမတွေအားလုံး ... မင်္ဂလာပါ..."

စာတွေ မရေးဖြစ်တာလည်း ကြာပြီ... ဘလော့တွေ မလည်ဖြစ်တာလည်း ကြာပြီ ..ပျောက်ချက်သားလည်း ကောင်းနေတော့ အားလုံးရဲ့ စိတ်ထဲမှာ သို့လော..သို့လော.. ။

တစ်ချို့ ကလည်း သူဋ္ဌေးဖြစ်သွားလို့ စာမရေးတော့ဘူးလား.. စသည်ဖြင့် ထင်ယောင်ထင်မှား ။ မဟုတ်ပါဘူး..။ သူဋ္ဌေးဖြစ်ဖို့နေနေသာသာ လက်လှုပ်မှ ပါးစပ်လှုပ်ရတဲ့ ဘ၀ပါဗျာ..[အင်းပေါ့.. လက်မလှုပ်ပဲ ဘယ်လိုလုပ် ထမင်းစားမလဲနော့... ]။

အမျိုးသားရေးတာဝန်တွေ၊ အိမ်ထောင်ရေးတာဝန်တွေ၊ Company က လစဉ်အချိန်မှန်မှန် ရနေတဲ့ လစာတွေအတွက် ယူထားရတဲ့ တာဝန်တွေရယ်..နောက်ပြီး... အခြားအခြားသော တာဝန်တွေရယ်ကြောင့်.. (ဒို့တာဝန်အရေး (၃)ပါးတော့ ချန်ခဲ့တယ်..အဟဲ) ကျွန်တော် yu ya စာတွေ အများကြီး ရေးချင်၊ ဖတ်ချင်ပါသော်ငြားလည်း "ယားလို့တောင် *** မကုတ်အားခဲ့ပါဘူးဗျာ" (***ကိုယ့်ဖာသာ တွေးနော်..)။

ဒီအပတ်မှပဲ... ကျွန်တော် လူပျိုလေး yu ya စိတ်လွတ်ကိုယ်လွတ် စာတွေရေးနိုင်ပါတော့တယ်ဗျာ..။ လူပျိုလေး ဆိုတဲ့ စကားလုံးကြောင့် အပျိုလေးတွေ (အပျိုကြီးတွေမပါဘူး..) စိတ်ကူး မရင်လိုက်ကြပါနဲ့နော်..။ ကျွန်တော့် မဟေသီလေး မြန်မာပြည်ကို လည်လည်ပြန်သွားလို့ သူငယ်ချင်းတွေက လူပျိုလေး ပြန်လုပ်နေတာလားလို့ မေးနေကြလို့ပါဗျာ... သူတို့ပြောတဲ့အတိုင်း သံရောင်လိုက်ကြည့်တာ..အဟဲ..။

မဆလာတွေများနေတာနဲ့ ရေးချင်တာတွေတောင် မေ့တေ့တေ့ဖြစ်ကုန်ပြီ။ ဒီလိုဗျ...

တခြားမဟုတ်ဘူး။ "ဆန္ဒ၀တော ကိံနာမ ကမ္မံ နဘဇ္ဖတိ၊ ဘဇ္ဖတိဧ၀"... လောကမှာ ဆန္ဒသာပြင်းပြပါစေ။ ထွေရာကိစ္စဟူသမျှ မုချဧကန် ပြီးမြောက်မည်အမှန် ဖြစ်တယ် " တဲ့။

ဟုတ်ပါတယ်။ "Nothing is difficult to a willing mind" လို့လဲ ဆိုထားတယ် မဟုတ်လား၊ "ဆန္ဒပြင်းထန် စိတ်ထက်သန်သူအား မပြီးမြောက်နိုင်သော အရာမည်သည် မရှိပြီ" တဲ့လေ။


လောကမှာလည်း ဒီအတိုင်းပါပဲ။ ဗုဒ္ဓ၀င်မှာလည်း နမူနာရှိတယ်။ ရာဇ၀င်မှာလဲ ယူစရာ ရှိတယ်။ ကမ္ဘာ့သမိုင်းမှာလဲ ဥပမာတွေ ရှိတယ်။ မြန်မာ့သမိုင်းမှာလဲ သင်ခန်းစာတွေ အပြည့်။ ဘ၀မှာ အောင်မြင်သူတွေဟာ စိတ်အားထက်သန်ကြရုံမက စိတ်အားထက်သန်ကြရုံမက စိတ်ဓာတ်ခိုင်မာ ပြင်းပြကြလို့သာ အောင်ပွဲတွေ ဆင့်ကာဆက်ကာ သ်ိမ်းပိုက်နိုင်ကြတာ ဖြစ်တယ်။

ကျွန်တော်တို့ရဲ့ တိုးတက်မှု၊ အောင်မြင်မှုနဲ့ ဘ၀ရည်မှန်းချက်တို့ဟာ ကျွန်တော်တို့ရဲ့ ပြင်းပြဆန္ဒ (၀ါ) စိတ်ဓာတ် ခွန်အားနဲ့ တိုက်ရိုက် အချိုးကျနေတယ်လေ။ လိုအင်ဆန္ဒ ရှိပါမှ တစ်နည်း "Burning Desire" တညီးညီး တောက်လောင်နေတဲ့ ဆန္ဒမျိုး ဖြစ်ပါမှ အောင်မြင်မှုဆီ လှမ်းချီနိုင်မှာပါ။

စကားတစ်ခွန်းရှိတယ်။ "If you have to give only one gift to your son or daughter, let it be enthusiasm". ဒါ မိဘတွေကို ညွှန်းဆိုထားတဲ့ မှတ်သားဖွယ် စကားတစ်ခွန်း။ ဆိုလိုတာက " သင့်မှာ သားကိုဖြစ်စေ၊ သမီးကို ဖြစ်စေ ပေးရမယ့် လက်ဆောင်မွန် တစ်ခုပဲ ရှိတယ်ဆိုပါတော့။ အဲဒီ လက်ဆောင်ဟာ စိတ်အား ထက်သန်မှု လက်ဆောင်ကောင်း "Enthusiasm" ဖြစ်ပါစေတဲ့။


ဒီတော့ အဲဒီ "Enthusiasm" ထက်သန်မှုနဲ့အတူ ရည်မှန်းချက်ကို မျက်ခြေမပြတ်ဘဲ အချိန်မှန် ရက်မှန်နဲ့ ပျက်ကွက်ရက်မရှိ။ အဖျက်ရန်ကိုလဲ သတိထား။ တအိအိနဲ့ ဆက်လျှောက်သွားမယ်ဆိုရင် အကျွတ်ဘယ်မှာ ဝေးတော့မည် ဆိုသလို ပန်းတိုင်ကို လှမ်းကိုင်ရုံသာ ရှိတော့ကြောင်း အထူးလက်ဆောင်စကားနဲ့ အားပေးတိုက်တွန်းလိုက်ရင်း...

ကျွန်တော် နဲ့ မဟေသီတို့ရဲ့ ၁၆ ရက်နေ့မှာ ကျရောက်မယ့် (၃) နှစ်မြောက် နှစ်ပတ်လည် မင်္ဂလာရက်မြတ်နေ့ကို ဒီဆောင်းပါလေးနဲ့ ထပ်လောင်းဂုဏ်ပြုလိုက်ပါတယ်။

ဆန္ဒမွန်ဖြင့်
yu ya

" Furniture For Shwe Myanmar "

http://furnitureforshwemyanmar.blogspot.com/2010/04/furniture.html

ဆန္ဒမွန်ဖြင့်
yu ya

“ခေါင်းကောင်းသူ”

လောကမှာ အချို့က ဥာဏ်နုံတယ်။ အချို့က ဥာဏ်ထက်တယ်။ ဒါဟာ ဘ၀ဘ၀က ပြုခဲ့တဲ့ ကောင်းမှုဝယ် “ဥာဏ်ပညာ” ပါခဲ့လို့ ဖြစ်မယ်။ အဲဒီလို လူကို မြန်မာလို “လူတော်” လို့ခေါ်တယ်။ ဒီစကားနဲ့ တွဲလျက် နောက်တစ်လုံး ရှိသေးတယ်... “လူကောင်း”တဲ့..။ လူဟာ “တော်” ရုံနဲ့ မပြီးသေး။ ကိုယ်ကျင့်သီလ “ကောင်း”ဖို့လည်း လိုသေးသဗျ...။


ကျွန်တော်တို့ “လူတော်” ဟုခေါ်သော စကားကို သူတို့က Egghead လို့ ခေါ်ကြတယ်ဗျ.။ ဘာကြောင့်များ “လူတော်” ကို အဲဒီလို ခေါ်သည်မသိ။ အနီးစပ်ဆုံး မြန်မာလိုပြန်သော် “ခေါင်းကောင်းသူ” လို့ ရနိုင်ပါတယ်။

Yu Ya is an egghead.
ယုယက လူတော်ဗျ.... (အဟဲ... ဥပမာကောင်းလေးပေးထားတာပါ)

ဝန်ခံချက်။ လေ့လာခဲ့တဲ့ စကားလုံးလေးကို မျှဝေပေးတာပါ။

ဆန္ဒမွန်ဖြင့်
yu ya

“အကြို ကျီစယ်ခြင်း”

လူဝတ်ကြောင်တို့ စောင့်ထိန်းရမယ့် ကံငါးမျိုး (လုပ်ရပ် ငါးမျိုး) ရှိပါတယ်။ အဲဒီထဲမှာ “ကာမေသု မိစ္ဆာစာရ” ဆိုတဲ့ ကံသည်လည်း တစ်ခု ပါဝင်ပါတယ်။ အဆင့်မြင့် လူ့အဖွဲ့အစည်း တစ်ခု အဖြစ် ရပ်တည်ဖို့ ဆိုလျှင် ဒီကံဟာ အရေးပါလှပါတယ်။ သူ့နှမ၊ ကိုယ့်နှမ၊ သူ့အစ်မ၊ ကိုယ့်အစ်မ စသည်ကို အပြန်အလှန် စောင့်ရှောက်ဖို့ လိုအပ်ပါတယ်။ ဒီလို စောင့်ရှောက်လိုစိတ်၊ မိမိ ဂုဏ်သိက္ခာ၊ မိမိ မျိုးရိုး ဂုဏ်သိက္ခာ အစရှိတာတွေကို ထိန်းလိုသောစိတ်သည် “ဟီရိ သြတ္တပ္ပ” ဆိုတဲ့ တရား နှစ်မျိုးမှ လာတာပါ။ ထိုတရားနှစ်မျိုးရှိသော် လောကသည် သာယာ၏။ မရှိသော် လောက ပျက်၏။ ထို့ကြောင့်ပင် ထိုတရား နှစ်မျိုးကို လောကို စောင့်သော တရား (လောကပါလ တရား) ဟု ခေါ်ပါသည်။


သူ့နှစ်မ၊ ကိုယ့်နှမ စသည် မစာနာဘဲ မတော်မတရား ပြုကျင့်ခြင်းသည် ထိုတရားနှစ်ပါး ဆိတ်သုဉ်းခြင်းပင်ဖြစ်သည်။ မကောင်းမှု ကျူးလွန်ရမှာကို မရှက်ခြင်း၊ မကြောက်ခြင်း ပင်ဖြစ်သည်။ ထိုသို့သော လုပ်ရပ်မျိုးကို Eve-teasing ဟု သူတို့က ခေါ်သည်။ “အကြို ကျီစယ်ခြင်း” ဟု တိုက်ရိုက် အဓိပ္ပါယ် ထွက်သည်။ စင်စစ် နိုင်ထက်ကလူ ပြုကျင့်ခြင်းပင်ဖြစ်သည်။

ဝန်ခံချက်။ လေ့လာခဲ့တဲ့ စကားလုံးလေးကို မျှဝေပေးတာပါ။ မည်သူတစ်ဦး တစ်ယောက်ကိုမှ ထိခိုက်နစ်နာ စေလိုခြင်း အလျဉ်းမရှိပါ။

ဆန္ဒမွန်ဖြင့်
yu ya

" Wow... Am I getting old..! "

You're not 31, you're eighteen with 13 years experience. [Ma Hay Thi - 2009]

၃၁ နှစ် မဟုတ်ပါဘူး... အတွေ့အကြုံ ၁၃ နှစ်ရှိပြီဖြစ်တဲ့ ၁၈ နှစ်သားလေးပါတဲ့ဗျာ!!!

******************

ဝန်ခံချက်။ ။ ဒီအပတ်ထဲ မှာ ကျရောက်မဲ့ ကျွန်တော်မွေးနေ့အတွက် မဟေသီက ပေးလာတဲ့ စကားလက်ဆောင်လေးပါ။ အင်း...စိတ်ချမ်းသာစရာပဲဗျာ။ အမြဲတမ်း ၁၈ နှစ်သားလေးကို ဖြစ်နေတော့မှာပဲ.။

ကျွန်တော်မွေးနေ့မှာ တောင်းတဲ့ဆုတွေအားလုံးကို ကျွန်တော်နဲ့ ထပ်တူ ဘလော့ဂါ ညီအစ်ကို မောင်နှမများ အားလုံးလည်း အတူမျှဝေ ခံစားနိုင်ပါစေလို့ ထည့်ဆုတောင်းပေးလိုက်ပါတယ်ဗျာ။

ဆန္ဒမွန်ဖြင့်
yu ya

“ ထာဝရ အချစ် ”

နားလည်မှုတွေနဲ့ ပြည့်နှက်နေတဲ့

အချစ်ဟာ ထာဝရ
ပေးဆပ်မှုတွေနဲ့ တောင်းဆိုမှု ကင်းတဲ့
အချစ်ဟာ ထာဝရ
မင်းရဲ့ နှလုံးသားထဲမှာ ခံစားရတဲ့
အချစ်ဟာ ထာဝရ
ဘယ်တော့မှ ခွဲခွာဖို့ ခွင့်မပြုမယ့်
အချစ်ဟာ ထာဝရ
မင်းအတွက်.....
ကိုယ်အမြဲတမ်း ခံစားနေရမယ့်
အချစ်ဟာ ထာဝရ
မင်းကို..... ပျော်ရွှင်အောင်၊ ၀မ်းနည်းအောင်
ပြုလုပ်ပေးနိုင်တဲ့
အချစ်ဟာ ထာဝရ
ကိုယ် သိပ်ကို လိုလားတောင့်တလွန်းတဲ့
အချစ်ဟာ ထာဝရ
အချိန်ရဲ့ စမ်းသပ်မှုကို ခံယူနိုင်မယ့်
အချစ်ဟာ ထာဝရ....
မင်းဟာ ကိုယ့်အတွက်ပဲ ဖြစ်လိမ့်မယ်ဆိုတာရယ်
ကိုယ် ထာဝရ အမြဲ ပြောမှာပါပဲကွယ်.....
(ယုယ)

ှ


ဆန္ဒမွန်ဖြင့်
yu ya

" Two Days We Should Not Worry "

There are two days in every week, about which we should not worry, two days which should be kept free from fear and apprehension.

One of these days is Yesterday with all its mistakes and cares, its faults and blunders, its aches and pains.

Yesterday has passed forever beyond our control. All the money in the world can't bring back Yesterday.

We cannot undo a single act we performed; we cannot erase a single word we said. Yesterday is gone forever.

The other day we should not worry about is Tomorrow with all its possible adversities, its burdens, its large promise and its poor performance; Tomorrow is also beyond our immediate control.

Tomorrow's sun will rise, either in splendor or behind a mask of clouds, but it will rise. Until it does, we have no stake in Tomorrow, for it is yet to be born.

This leaves only one day, Today. Any person can fight the battle of just one day. It is when you and I add the burdens of those two awful eternities Yesterday and Tomorrow that we break down.

It is not the experience of Today that drives a person mad, it is the remorse or bitterness of something which happened Yesterday and the dread of what Tomorrow may bring.

Let us, therefore, live but one day at a time.

Author: Unknown

http://www.wow4u.com/two-days-we/index.html
အထက်ဖော်ပြပါ လင့်ကလေးမှ ကူးယူဖော်ပြထားပါသည်။



ရက်သတ္တပတ်တိုင်းမှာ သောကမရောက်သင့်သော၊ ကြောက်စိတ်နှင့် စိုးရိမ်ပူပန်မှုတို့မှ ကင်းဝေးလွတ်မြောက် သင့်သော နေ့နှစ်နေ့ ရှိပေသည်။

ထိုနေ့များထဲမှ တစ်နေ့သည် မနေ့ကအချိန်ဖြစ်၍ မှားယွင်းမှုများနှင့် စိတ်သောကများ၊ ချို့ ယွင်း ချက်များနှင့် မိုက်မဲမှုများ၊ နာကျင်မှုများ နှင့် ဝေဒနာများ ပါဝင်ပါသည်။

မနေ့ကအချိန်သည် ထာဝရ ဖြတ်သန်းကုန်လွန် သွားပေပြီ။ ကျွန်ုပ်တို့အနေနှင့် ထိန်းချုပ်၍ မရနိုင်တော့။ ကမ္ဘာလောကထဲရှိ ငွေကြေးအားလုံးကပင် မနေ့က အချိန်ကို ပြန်လည် မယူဆောင်လာနိုင်ချေ။

ကျွန်ုပ်တို့ သောကမရောက်သင့်သော အခြားနေ့တစ်နေ့မှာ မနက်ဖြန်ဖြစ်ပါသည်။ ယင်းတွင် ဖြစ်လာနိုင်ဖွယ်ရှိသော ကံကောင်းမှုများ၊ ၀န်ထုပ်ဝန်ပိုးများ၊ ကြီးမားသော အလားအလာနှင့် ညံ့ဖျင်းသော ဆောင်ရွက်ချက်တို့ ပါဝင်ပါသည်။ ကျွန်ုပ်တို့သည် မနက်ဖြန်ကိုလည်း တိုက်ရိုက် ထိန်းချုပ်၍ မရနိုင်ချေ။

မနက်ဖြန်၏ နေမင်းသည် ကြီးကျယ်ခမ်းနားစွာဖြင့်သော်လည်းကောင်း၊ တိမ်များ၏နောက်ကွယ်မှသော် လည်းကောင်း ထွက်ပေါ်လာမည်ဖြစ်သည်။ သို့သော် ၎င်းထွက်ပေါ်မလာမချင်း ကျွန်ုပ်တို့မှာ မနက်ဖြန်ကို မျှော်ကိုးကာ လောင်းကြေးထပ်၍ မရချေ။ အကြောင်းမူ မနက်ဖြန်သည် မွေးဖွားမလာသေးသောကြောင့် ဖြစ်လေသည်။

သို့ဖြစ်၍ ယနေ့တစ်နေ့တည်းသာကျန်ပါတော့သည်။ မည်သူမဆို နေ့တစ်နေ့တည်း၏ တိုက်ပွဲကိုသာ တိုက်ခိုက်နိုင်၏။ ထိုအချိန်၌ သင်နှင့် ကျွန်ုပ်တို့က မနေ့ကနှင့် မနက်ဖြန်တို့၏ ၀န်ထုပ်ဝန်ပိုးများကို ထပ်ဖြည့်ထားပေသည်။

လူတစ်ယောက်ကို ရူးသွပ်သွားစေသည်မှာ ယနေ့၏ အတွေ့အကြုံများ မဟုတ်။ မနေ့က အဖြစ်အပျက်များအပေါ် နောင်တရခြင်း၊ ခါးသည့်နာကျည်းခြင်းနှင့် မနက်ဖြန်ဖြစ်လာနိုင်သည့်အရာများအား တွေးကြောက်ခြင်းဖြစ်သည်။

သို့ဖြစ်၍ ကျွန်ုပ်တို့သည် တစ်ကြိမ်မှာ တစ်နေ့တည်းသာ ရှင်သန်နေထိုင်ကြပါစို့။

Rendered by Yu Ya

*****************************************************

သုံးသပ်ချက်။ ။
တကယ်တော့ ကျွန်တော်တို့ စိတ်ဖိဆီးမှု များပြားလာခြင်း၏ အကြောင်းအရင်းမှာ အနာဂတ်က ကျွန်တော်တို့ထံ ပြေးလာဝင်ဆောင့်ခြင်း တနည်းဆိုရရင် ပစ္စုန်ပ္ပန် အခိုးခံရခြင်းဟာ အဓိက အကြောင်းအရင်း တစ်ရပ် ဖြစ်နေပါတယ်။

အနာဂတ်ဆိုတာ ကျွန်တော်တို့ ထံသို့ ရောက်ရှိလာခြင်းမရှိသေးပေ။ ဒါပေမယ့် ကျွန်တော်တို့ရဲ့ ပရောဂကြောင့် အနာဂတ်ဟာ သူ့နေရာတွင် သူမနေတော့ပဲ သူသည် ကျွန်တော်တို့ထံသို့ ၀င်လာပြေးဆောင့်လျက် ရှိပါသည်။ အနာဂတ်ဝင်လာပြေးဆောင့်မှုကြောင့် ပစ္စုန်ပ္ပန်သည် အလျင်အမြန် ဆောင့်တွန်းခြင်းကို ခံနေရပါသည်။ ပစ္စုန်ပ္ပန်သည် အခိုးခံနေရသည်။ ပစ္စုန်ပ္ပန်သည် အထိုင်မကျသေးခင်မှာပင် အတိတ်အဖြစ်သို့ ပြောင်းပေးနေရသည်။

မျက်မှောက် ပစ္စုန်ပ္ပန် အဖြစ်အဖျက်များနှင့် ကျွန်တော်တို့ အကျွမ်းတ၀င် မရှိသေးမီမှာပင် အနာဂတ်က အစားထိုး ၀င်ရောက်နေမှုနှုန်းက မြန်လွန်းသဖြင့် ပြောင်းလည်းလာမှုတစ်ခုကို ကျွန်တော်တို့ လိုက်လျော ညီထွေမှုဖြစ်အောင် မပြုပြင်ရသေးမီမှာပင် နောက်အခြေအနေတစ်ရပ်က ၀င်ရောက် လာသဖြင့် ၀င်ရောက်လာသော အခြေအနေသည် ကျွန်တော်တို့နှင့် မရင်းနှီးသေးခင်ကပင် ထိုအရာသည် ကျွန်တော်တို့ထံမှ အခြားသို့ အတင်းတွန်းပို့ခြင်းကို ခံစားနေကြရသည်။

ပြောင်းလဲမှုကို လိုက်လျောညီထွေဖြစ်အောင် အမြဲကြိုးပမ်းနေရခြင်းသည် ကျွန်တော်တို့၏စိတ်ကို ကြောက်ရွံ့ ခြင်း၊ မတည်မညိမ်ဖြစ်ခြင်း၊ တည်ငြိမ်မှုကို တောင့်တခြင်းများ ဖြစ်ပေါ်နေစေပြီကောလေ။

အနာဂတ်ပြေးလာဝင်ဆောင့်မှုကို ရပ်တန့်သွားအောင် ဒါမှမဟုတ် နှေးကွေး သွားအောင် ကျွန်တော်တို့ ဘာမျှ မတတ်နိုင်ကြတော့ဘူးလားဗျာ။ ဘာအစီအစဉ်တစ်ခုမှ မရှိတော့ဘူးလားဗျာ။

ဆန္ဒမွန်ဖြင့်
yu ya

“ Heart to Heart ”

(နှစ်ကိုယ့်တစ်စိတ်)

လူသည် မွေးပြီးသော် သေရမည်သာ။ ထိုသို့ မသေမီ ကာလအတွင်းတွင် မဖြစ်မနေ လုပ်ရမည့် တာဝန်ရှိပါသည်။ စရိယသုံးမျိုးဟု ဆိုလျှင် ရနိုင်ပါသည်။ မိမိအကျိုးအတွက် ကြိုးကုတ်ခြင်း (အတ္တတ္ထစရိယ)၊ ထိုမှ လွန်သော် မိမိဆွေမျိုး၊ မိတ်သင်္ဂဟ၊ မိမိနေထိုင်ရာ ပတ်ဝန်းကျင် စသည်တို့အတွက် ကျိုးကုတ်ခြင်း (ဥာတတ္ထစရိယ) နှင့် နောက်ဆုံး လောကကောင်းကျိုးအတွက် ကျိုးကုတ်ခြင်း (လောကတ္ထစရိယ) တို့ပင်ဖြစ်ပါသည်။ ထိုသို့ ကျိုးကုတ်ရာဝယ်၊ တာဝန်ယူရာဝယ်.....

ဝန်ခံချက်။ ။ သူငယ်ချင်းတွေနဲ့ စကားပြောရင် တွေးမိသွားတဲ့ အတွေးလေးပါ။ လိုရာ ဆက်လက်တွေးနိုင်ဖို့ ဖွင့်ပေးထားပါတယ်။

ှဆန္ဒမွန်ဖြင့်
yu ya

“ အတွေးရတနာ ”

A vision without the ability to execute is probably a hallucination. [ Stephen Case ]

“စွမ်းဆောင်ရည်မပါတဲ့ အတွေးစိတ်ကူး တစ်ခုဟာ အာရုံချောက်ချားခြင်း တစ်ခုဆိုတာ သေချာသလောက်ပါပဲ”

ဆန္ဒမွန်ဖြင့်
yu ya

“ စကားလုံး အလင်္ကာ ”

“ဟန် ကိုယ့်ဖို့” ဟူသော စကားလုံးကို ကျွန်တော် သိပ်ဘ၀င်မကျချင်။ ထို့အတူ “မာန် သူ့ဖို့” ဟူသော စကားကိုလည်း စိတ်သဘောမကျလှ။ လူလူချင်း ဆက်ဆံရာတွင် “ဟန်တွေလုပ်” “မာန်တွေ ဖီ” နေသော် ပြေပြစ်ချောမွေ့စရာ မဖြစ်နိုင်။ မရှိဘဲ ရှိလေဟန်ဆောင်၊ မတတ်ဘဲ တတ်လေဟန်ဆောင်၊ မာန်တက်၊ သိပ်တော့ မနိပ်လှ။ မနိပ်သော်ငြား ထိုလိုလူစား များနေသလား မသိ။

ထို့အတူ မတရားမှု ကျူးလွန်ထားပြီး တရားသဖြင့်နေသော “သူတော်” ယောင်ဆောင်သူတွေလည်း ရှောင်မရ။ သို့ဆိုလျှင် ဟန်မလုပ်၊ မာန်မတက်ဘဲ ရိုးရိုးစင်းစင်းနေသူကော မရှိလေသလား။ နည်းလျှင်သာ နည်းမည် ရှိတော့ ရှိမည်သာ။ ထိုသူမျိုးကို သူတို့က Easygoing ဟူသော အကျင့်စရိုက်ကို ဖော်ပြသည့် နာမ၀ိသေသနနှင့် တွဲပြီး ဖော်ပြသည်။ ဟန်မဆောင်၊ ဟိတ်ကြီး ဟန်ကြီး မလုပ်တတ်သည့် သဘော၊ ရိုးသားပွင့်လင်းသော သဘော၊ ရင်းနှီး ဖော်ရွှေသော သဘော၊ ဖက်လှဲတကင်း ရှိသောသဘော စသည်တို့ကို ဆောင်ပါသည်။

I am an easygoing person but not gullible.

ကျွန်တော်က ရိုးရိုးအေးအေး နေတဲ့သူပါ၊ ဒါပေမယ့် ငထူ ငတုံးတော့ မဟုတ်ဘူး။

ဝန်ခံချက်။ လေ့လာခဲ့တဲ့ စကားလုံးလေးကို မျှဝေပေးတာပါ။

ဆန္ဒမွန်ဖြင့်
yu ya

“ လဆွဲအားနှင့် ကျန်းမာရေး ”

ကျွန်တော်တို့ရဲ့ ခန္ဓာကိုယ်ဟာ Solid ပစ္စည်းမဟုတ်ပါဘူး။ ခန္ဓာကိုယ်ရဲ့ ၆၅% ဟာ ရေနဲ့ ဖွဲ့စည်းထားပါတယ်။ ဒါကြောင့် လဆွဲငင်အားဟာ ကျွန်တော်တို့ရဲ့ ခန္ဓာကိုယ်ပေါ်မှာလည်း သက်ရောက်လျက်ရှိပါတယ်။ ဒါကို ဒီရေတက်တာနဲ့ နှိုင်းယှဉ်ပြီး Biological Tide လို့ ခေါ်ကြပါတယ်။ အထူးသဖြင့် လပြည့်နေ့လိုအခါမျိုးမှာ အများဆုံး ကြုံတွေ့ရလေ့ရှိပါတယ်။

သိပ္ပံနည်းကျလေ့လာတဲ့အခါမှာ ကျွန်တော်တို့ရဲ့ ခန္ဓာကိုယ်ထဲမှာ ရှိတဲ့ Cell တွေထဲက ရေတွေ (Intracellular Water) မှာ ပြောင်းလဲမှုတွေ ဖြစ်တယ်။ အထူးသဖြင့် ဦးနှောက်မှာရှိတဲ့ Hypothalamus လို့ခေါ်တဲ့ အစိတ်အပိုင်းမှာပါ သက်ရောက်ပါတယ်။ ဒီ Hypothalamus ဟာ လူတွေရဲ့ စိတ်အခြေအနေနဲ့ ခန္ဓာကိုယ် ဇီဝကမ္မဖြစ်စဉ်တွေကို ထိန်းချုပ်ပေးတဲံ နေရာဖြစ်လို့ ဒီနေရာမှာ ပြောင်းလဲမှု ဖြစ်ရင် လူရဲ့ စိတ်နေသဘေားထားနဲ့ ကျန်းမာရေးကိုလည်း ပြောင်းလဲမှုတွေ ဖြစ်စေနိုင်တာ တွေ့ရပါတယ်။


လပြည့်နေ့ညနဲ့ ဆက်စပ်ဖြစ်တဲ့ ရောဂါတွေကို Lunar Syndrome လို့ခေါ်ပါတယ်။ Lunar ဆိုတာ လက်တင်လို Moon လို့ အဓိပ္ပာယ်ရပြီး Syndrome ဆိုတာကတော့ ရောဂါစုပါ။ လပြည့်နေ့မှာ ဖြစ်တတ်တဲ့ ရောဂါစုများလို့ ခေါ်နိုင်ပါတယ်။

လပြည့်နေညမှာ အရက်သောက်ရင် ပိုပြီးသွေးဆိုးပြီး ရမ်းကားတတ်တယ်လို့ ဆိုပါတယ်။ နောက် Gout ရောဂါလိုဟာမျိုးလည်း အဆစ်အမျက်တွေရောင်တာ ဖြစ်တတ်ပါတယ်။ ၀မ်းပျက်ဝမ်းလျှော်ရောဂါတို့ ပိုဖြစ်တတ်တဲ့အပြင် မိမိကိုယ်မိမိ သေကြောင်းကြံစည်မှု (Suicide)၊ လူသတ်မှု (Murder) တို့တွေလည်း ပိုများတတ်ပါတယ်။

လပြည့်နေ့တွေမှာ စိတ်နဲ့ ပက်သက်တဲ့ ရောဂါတွေ ဖြစ်တတ်၊ ပိုဆိုးတတ်လို့ သတိထား ဆင်ခြင်ဖို့ ဖြစ်ပါတယ်။ နောက်ပိုင်း ဒီကာလမှာ အရက်သေက်ရင် သွေးဆိုးပြီး အမှားတွေ ကျူးလွန်တတ်တာကြောင့် အရက်သေစာ သောက်စာခြင်းကနေ ရှောင်ကြဉ်သင့်ပါတယ်။ ကားမောင်းရင်လည်း Accident ဖြစ်နိုင်ခြေရှိတာကြောင့် ဆင်ခြင်မောင်းနှင်ဖို့၊ အိမ်မွေးတိရစ္ဆာန်တွေကိုလည်း ဒီရက်တွေမှာ လွှတ်မထားဖို့အပြင်.....

ရောဂါရှိတဲ့ ဘလောဂါ ကိုကို၊ ညီညီ၊ မမ၊ ညီမ တွေလည်း ဒီရက်တွေမှာ ပိုမိုဆင်ခြင်နိုင်ဖို့ မေတ္တာရှေ့ ထား အကြံပြုလိုက်ပါကြောင်း...:P

ဆန္ဒမွန်ဖြင့်
yu ya

“ Off Day & Day Off ”

Off Day - A day when things go poorly “ကံမကောင်းသောနေ့ ”

Day Off - A day when you are not required to work - “အလုပ်မသွားရတဲ့နေ့၊ အလုပ်အားရက် ”

*****

သူငယ်ချင်းတွေ တော်တော်များများရဲ့ Gtalk Message တွေမှာ Off Day ... Off Day လို့ တွေ့တွေ့ နေရတတ်လို့ပါ။

ဆန္ဒမွန်ဖြင့်
yu ya

“ ကျွန်မရဲ့ အချစ် ”

ကျွန်မရဲ့ အချစ်က ကောင်းကင်ပြာပြာ
လေးနက်မှုက သမုဒ္ဒရာ
ပေးဆပ်မှုက စင်္ကြာဝဋ္ဌာ
အချစ်တွေသာ အရည်ဆိုရင်
နောက်ထပ် သမုဒ္ဒရာ ပေါ်လာမှာ။
မဟေသီ


Love of Mine
Love of mine is the wild blue yonder
Many miles deep as oceanic abyss
Sacrifice is pretty much as macrocosm
If the love of mine were liquid,
One more ocean would occur.
Rendered by yu ya

“ Movies များ download ဆွဲခြင်း ”

ကျွန်တော်အပါအ၀င် လူတော်တော်များများဟာ နိုင်ငံခြားဇာတ်လမ်းတွဲရုပ်ရှင်များ၊ ဗီဒီယိုများ၊ ကာတွန်းကားများ ကြည့်ရှုခြင်းကို ခုံမင်ကြပါတယ်။ သို့ဖြစ်ပါ၍ များစွာသော အခွေများကို ကြည့်ရှုနိုင်ရန်အလို့ငှါ ငှါးရမ်းခြင်း၊ ၀ယ်ယူခြင်းတို့ဖြင့် အလုပ်ရှုပ်ရလေ့ ရှိပါတယ်။ မြန်မာနိုင်ငံမှာတော့ ရုပ်ရှင်ကားများ၊ ဗီဒီယိုကားများစွာကို ဈေးနှုန်းချိုသာစွာဖြင့် ၀ယ်ယူကြည့်ရှု နိုင်ပါသော်လည်း နိုင်ငံရပ်ခြားတိုင်းပြည်များတွင် DVD အခွေဈေးနှုန်းများမှာ မြန်မာနိုင်ငံလောက် ဈေးနှုန်းမချိုသည်မှာ အမှန်ပါ။ ရုပ်ရှင်ရုံများတွင် သွားရောက် ကြည့်ရှုဖို့ဆိုသည်မှာလည်း ရံဖန်ရံခါမျှသာ။ ရုပ်ရှင်ကားတော်တော်များများကို Online ဖြင့် တိုက်ရိုက် ကြည့်ရှုနိုင်ပါသော်လည်း ရုပ်ထွက် Quality နှင့် Audio ပိုင်းမှာ (Inferior Quality) ဖြစ်၍ စိတ်တိုင်းမကျ နိုင်ပါ။ သို့ပါ၍ အောက်ဖော်ပြပါ P2P (Peer to Peer) Networking နည်းပညာသုံး၍ Quality ကောင်းကောင်း ရုပ်ရှင်ကားများကို Download လုပ်ယူကာ ပျော်ရွှင်စွာ ခံစား ကြည့်ရှု နိုင်ပါသည်။

Download ဆွဲချရန် လိုအပ်သော အချက်များ
1. Pentium 4 Computer
2. Internet Line
3. P2P Software
4. P2P Search Engine

အထက်ဖော်ပြပါအချက် (၄)ချက်တွင် နံပါတ် (၁) နှင့် (၂) သည် လူတော်တော်များများတွင် ပြည့်စုံနေပြီး ဖြစ်ပါလိမ့်မယ်။ နံပါတ်(၃) ဖြစ်တဲ့ P2P Software နှင့် ပက်သက်၍ P2P Softwares အတော်များများ ရှိပါတယ်။ ၎င်းတို့အထဲတွင်မှ uTorrent software သည် အတော်လေး ပြည့်စုံကောင်းမွန်သော user familiar ဖြစ်နိုင်သော လူကြိုက် အများဆုံး Software တစ်ခု ဖြစ်ပါသည်။ အောက်ဖော်ပြပါ Link ကိုနှိပ်၍ Free Download ရယူပြီး Install လုပ်ပါ။
Utorrent Software Download ဆွဲယူရန် http://www.utorrent.com/

၎င်း Software ကို Download ဆွဲယူပြီးပါက Download Speed ပိုမိုကောင်းမွန်စေရန်အလို့ငှါ Setting များကို ချိန်ညှိပေးရန် လိုအပ်ပါသည်။ အောက်ဖော်ပြပါ Photo Setting-1 & Setting-2 ပါအတိုင်း uTorrent ရဲ့ Setting များကို ပြင်ဆင်ပေးပါ။

Setting-1

Setting-2

Setting-1 & Setting-2 အတိုင်း ပြင်ဆင်ပြီးပါက သင့်ရဲ့ uTorrent သည် Download ဆွဲယူရန် အဆင်သင့် ဖြစ်နေပြီ ဖြစ်ပါသည်။

Utorrent ကို အသုံးပြု၍ Download ဆွဲယူရန် အထက်တွင် ဖော်ပြခဲ့သော အချက်(၄)ချက်အနက်မှ နံပါတ်(၄) ဖြစ်သည့် P2P Search Engine လိုအပ်မှာ ဖြစ်ပါတယ်။
P2P Search Engine များစွာရှိပါတယ်။ ၎င်းတို့ အထဲတွင်မှ isohunt သည် လူကြိုက်များသော Search Engine တစ်ခုဖြစ်ပါသည်။ IE သို့မဟုတ် Mozilla ကိုဖွင့်၍ www.isohunt.com လို့ ရိုက်ထည့်လိုက်ပါက Isohunt Search Engine ကျလာပါလိမ့်မယ်။ အဲဒီ Isohunt ရဲ့ Search Box မှာ ကိုယ်ကြည့်ချင်တဲ့ ရုပ်ရှင်ကားနာမည်ကို ရိုက်ထည့်ပြီး Search လုပ်ရင် အောက်ပါအတိုင်း တွေ့ရပါလိမ့်မယ်။ ဆိုကြပါစို့ Twilight ဆိုတဲ့ Movie ကို ရိုက်ထည့်ပြီး ရှာကြည့်ကြမယ်။

Twilight Movie ကိုရှာတွေ့တဲ့ List

အထက်ပါ ပုံနဲ့ပက်သက်၍ အနည်းငယ် ရှင်းပြလိုပါတယ်။ လိုချင်တဲ့ Movies များကို ရှာတိုင်း ပန်းရောင် မျှားထိုးထားသည့်နေရာကို အထူးသတိပြုပေးပါ။ မျှားရဲ့ ညာဖက် အခြမ်းမှာ အ၀ိုင်းလေး ၀ိုင်းထားတဲ့ S လို့ရေးထားတဲ့ Seed ဆိုတာလေးရှိပါတယ်။ S အောက်မှာ ဖော်ပြထားတဲ့ ဂဏန်းနံပါတ်တွေဟာ လူအရေအတွက်တွေကို ဖော်ပြပေးနေ တာပါ။ Seed ဆိုတာ အဲဒီလူဆီမှာ ကိုယ်လိုချင်တဲ့ Movie ဟာ အစကနေအဆုံးရှိနေတဲ့သူပါ။ တနည်းအားဖြင့် သူက Download ဆွဲနေတဲ့သူတွေကို အပြည့်အ၀ Upload တင်ပေးနေတဲ့သူပါ။ ဒါကြောင့် Seed (S) များတဲ့ Movies တွေကို Download လုပ်ရင် အများ အားဖြင့် Download Speed ကောင်းတတ်ပါတယ်။ မျှားလေးရဲ့ ညာဖက် အခြမ်းမှာ လေးထောင့် ကွက်လေးနဲ့ ဖော်ပြထားတဲ့ L ကတော့ Leecher ကို ပြောတာပါ။ Leecher ဆိုတာ Download ဆွဲနေတဲ့သူတွေဖြစ်ပြီး တစ်ချိန်တည်းမှာပဲ အဲဒီ လူတွေဟာ ကိုယ် Download ဆွဲနေတဲ့ File ကို Upload ပြန်လုပ်ပေးနေတဲ့ သူတွေပါ။ ((P2P Networking) ကို သိတဲ့သူတွေကတော့ ဒီအကြောင်းတွေကို ကောင်းကောင်း နားလည်မှပါ။)

အထက်ပါပုံမှာဆိုရင် နံပါတ်(၁) လိုင်းတွင် ရှိသော Twilight Movie သည် Seed အရေအတွက် များသည့်အပြင် Leecher လည်းများလှပါသည်။ ဒါကြောင့် နံပါတ်(၁)ကို Download လုပ်ရန် သင့်တော်ပါသည်။ ဒါပေသည့် Download မလုပ်မီ သတိထားရန်အချက်များ ကျန်ရှိနေပါသေးသည်။

အထက်ပါပုံ၏ ဇယားခေါင်းစဉ်ဖြစ်သော Torrent Tags, Name အောက်ကို ကြည့်ပါ။ (Twilight[2008]DvDrip-aXXo) ဆိုသည်ကို တွေ့ရပါသည်။ Twilight သည် ရုပ်ရှင် နာမည် ဖြစ်ပါသည်။ [2008] သည် ထိုရုပ်ရှင် စတင်ပြသသော ခုနှစ်ဖြစ်ပါသည်။ DvDrip ဆိုသည်မှာ DVD ကို အများအားဖြင့်(.avi) သို့ Rip လုပ်ထားခြင်းကို ဆိုလိုပါသည်။
-aXXo ဆိုတာကတော့ အဲဒီ Movie ကို Rip လုပ်ပြီး Upload စတင်လုပ်ခဲ့တဲ့သူရဲ့ Nick Name (Alias) ဖြစ်ပါတယ်။ aXXo ရဲ့ Movies များဟာ 700MB ၀န်းကျင်ပဲ အမြဲရှိ ပါတယ်။ aXXo ဟာ အတော်ဆုံးလူမဟုတ်ရင်တောင် အတော်ဆုံးလူတွေထဲက တစ်ယောက်ဖြစ်ပါတယ်လို့ ဆိုထားပါတယ်။ Top Searches တွေထဲမှာ aXXo ဟာ နံပါတ်၁ ပါပဲ။ [ aXXo အတိုင်း နာမည်ကြီးတဲ့ နောက်တစ်ယောက်ကတော့ FXG ပါပဲ။ သူကတော့ ဒုတိယ လိုက်ပါတယ်။ ] အောက်ပါပုံအတိုင်းဖြစ်ပါတယ်။

Top Searches No.1 - aXXo

အထက်ပါပုံထဲက ပန်းရောင်မျှားလေးပြထားတဲ့အတိုင်း aXXo ကို နှိပ်ရင်လည်း aXXo ရဲ့ Movies တွေအားလုံး ထွက်ပေါ်လာမှာ ဖြစ်ပါတယ်။ ဒါမှအဟုတ်ရင်လည်း aXXo ရဲ့ နောက်မှာ ခုနှစ်တွေတပ်ပြီးတော့လည်း Search Box မှာရှာနိုင်ပါ။ ဥပမာ- aXXo 2009, aXX0 2008, aXX0 2007 စသည်ဖြင့်ပေါ့။ နာမည်ကြီး ရုပ်ရှင်ကား တော်တော်များများကို aXXo က တင်ပေးထားပါတယ်။

နာမည်ကြီးသူတွေရဲ့ ထုံးစံအတိုင်း အတုအပဆိုတာ အမြဲပေါ်လာတတ်ပါတယ်။ ဒီအတိုင်းပဲ aXXo အတုတွေပေါ်လာပြီး Movies တွေကို Upload လုပ်ထားတာတွေရှိပါတယ်။ အန္တရာယ် မဖြစ်စေတဲ့ အတုဆိုရင်တော့ အကြောင်းမဟုတ်ဘူးပေါ့။ တစ်ချို့ အတုတွေက Virus တွေပါ ပါလာတတ်တယ်။ ဒါကြောင့် မိမိ Download လုပ်ချင်တဲ့ Movie ဟာ aXXo အစစ်ဟုတ်လား မဟုတ်ဘူးလားဆိုတာကိုတော့ သေချာစွာ လေ့လာရပါတယ်။ဘယ်လို ခွဲထုတ်ရမလဲဆိုရင် အောက်ဖော်ပြပါ ပန်းရောင်ပြထားတဲ့ Twilight[2008]DvDrip-aXXo ကို ကလစ် နှိပ်လိုက်ပါ။

Twilight[2008]DvDrip-aXXo ကို ကလစ်နှိပ်ရန်

ကလစ်နှိပ်ပြီးရင် အောက်ဖော်ပြပါပုံအတိုင်း ပေါ်လာပါလိမ့်မယ်။

Comment Tag ကို ကလစ်နှိပ်ရန်

အဲဒီ Comment Tag လေးကို ကလစ်နှိပ်ပြီး ရေးထားတဲ့ Comment များကို သေချာစွာ စစ်ဆေးကြည့်ပါ။ aXXo အစစ်အမှန် (genuine aXXo) ဟုတ်မဟုတ် သေချာစွာ လေ့လာကြည့်ပါ။ အောက်ပါပုံလေးအတိုင်း တွေ့ရပါလိမ့်မယ်။ နောက်တစ်ခုက aXXo ဟာ ဘယ်တော့မှ RAR Archive နဲ့ Movie တွေကို Zip မလုပ်ပါဘူးတဲ့။ သူ့ရဲ့ aXXo Interview မှာ ဖြေသွားပါတယ်။

aXXo အစစ်ဟုတ်မဟုတ် Comment တွင်ရှာကြည့်ခြင်း

အဲဒီ Movie ဟာ aXXo အစစ်ဆိုရင်တော့ Download .torrent ဆိုတဲ့ Link ကို နှိပ်လိုက်ပေတော့။

Download .torrent ကို နှိပ်ရန်

Download .torrent ကို ကလစ်နှိပ်လိုက်တာနဲ့ Window Box လေး တစ်ခု ပေါ်လာပါလိမ့်မယ်။

အဲဒီ Window Box လေးထဲမှာရှိတဲ့ Open with ဆိုတဲ့ နေရာမှာ uTorrent (default) ဆိုတာလေးကို ရွေးပေးပါ။ နောက်ပြီးရင်တော့ OK နှိမ်လိုက်တာနဲ့ uTorrent Software အောက်ပါအတိုင်း Screen ပေါ်မှာ တတ်လာပါလိမ့်မယ်။

1 လို့ ပြထားတဲ့ပန်းရောင်ဘောင်ခတ်ထားတဲ့နေရာဟာ Movie ကို သိမ်းမယ့်နေကို ဖော်ပြထားတာ ဖြစ်ပါတယ်။ မိမိသိမ်းချင်တဲ့ နေရာကို ရွေးပြီးသိမ်းပေးပါ။

2 လို့ ပြထားတဲ့ပန်းရောင်ဘောင်ခတ်ထားတဲ့ File ၃ခုကတော့ Download လုပ်ရင် ပါလာမယ့် File တွေပါပဲ။ မလိုချင်တဲ့ File တွေကို ချန်ထားခဲ့လို့ ရပါတယ်။ Check Box လေးတွေကို သွားပြီး အမှတ်လေးတွေ ဖြုတ်ပေးလိုက်ရုံပါပဲ။ အားလုံးပြီးရင် တော့ Ok ကို နှိပ်လိုက်ရုံပါပဲ။ uTorrent ကတော့ စတင်ပြီး Download လုပ်ပါပြီ။

နောက်ထပ် ကြိုက်နှစ်သက်ရာ ရုပ်ရှင်ကားများကိုလည်း အထက်ပါ အတိုင်းရှာယူ၍ တစ်ချိန်တည်းမှာ Download လုပ်ယူနိုင်ပါတယ်။ Movie ကားပေါင်း တော်တော်များများကို တစ်ချိန်တည်း တစ်ပြိုင်တည်း Download ဆွဲယူနိုင်ပါတယ်။

Download လုပ်နေပြီဆိုရင် Download Speed ကို ကြည့်လိုက်ပါ။ ကိုယ့်အိမ်မှာ သုံးတဲ့ Internet Speed ပေါ်မှာ မူတည်ပြီးတော့ Movie တစ်ခုကို Download လုပ်တဲ့ အချိန်က အနည်းဆုံး ၂နာရီကနေပြီး ၄ နာရီခန့်အထိ ကြာတတ်ပါတယ်။ အထက်တွင် ဖော်ပြခဲ့တဲ့အတိုင်း Seed အရေအတွက်ပေါ်လည်း များစွာ မူတည်ပါတယ်။ ကျွန်တော် ကတော့ ညအိမ်ရာမ၀င်ခင် Moive 10 ကားလောက်ကို Download ဆွဲထားလိုက်ပါတယ်။ မနက် နိုးရင်တော့ အားလုံး ပြီးနေတာကို တွေ့ရပါတယ်။

Downlaod လုပ်ထားတဲ့ ရုပ်ရှင်တွေကို ကြည့်မယ်ဆိုရင် (.avi) Format ဖြစ်တဲ့အတွက် Window Media Player ရဲ့ Option ထဲ့မှာ (.avi) ကို သွားပြီးတော့ On ပေးရပါလိမ့် မယ်။

ဒါပေမယ့် အကောင်းဆုံးအကြံပေးချင်တာကတော့ Movie တွေကြည့်မယ်ဆိုရင် VLC Player ကို သုံးစေချင်ပါတယ်။ ဘာဖြစ်လို့လဲဆိုတော့ မိမိကြည့်ချင်တဲ့ Movies တွေရဲ့ English Subtitle တွေကို (.srt) Formrt နဲ့ ရှာဖွေ Downlaod လုပ်ယူပြီး VLC Player မှာ English Subtitle ဖော်ကြည့်လို့ရပါတယ်။ ဆိုကြပါစို့...မိမိ Download လုပ်ထားတဲ့ Movie က Twilight[2008]DvDrip-aXXo ဆိုရင် သူရဲ့ English Subtitle ကို Google Search Engine မှာ twilight aXXo english subtitle လို့ ရိုက်ထဲ့ပြီး ရှာလို့ရပါတယ်။ အဲဒီထဲမှာ Subsence.com က အတော်လေးကောင်းမွန်တာကို တွေ့ ရပါတယ်။

www.isohunt.com ထဲမှာ Movies တွေအပြင် Software, Music, Game, E-Book, Picture ပေါင်း မြောက်များစွာကို လိုသလို ရှာဖွေ Download ရယူနိုင်ပါတယ်။ ဒါပေမယ့် download မလုပ်ခင်မှာတော့ အထက်တွင် ဖော်ပြခဲ့တဲ့အတိုင်း Comment တွေကို သေချာစွာ ဖတ်ရှုဖို့ လိုအပ်ပါလိမ့်မယ်။ တစ်ချို့ သော Upload လုပ်သူများ သည် File များအထဲတွင် Viru များကို ထည့်သွင်းထားတတ်ကြပါသည်။ Virus များသည် Free version သုံးထားတဲ့ Anti Virus များဖြင့် စစ်ဆေးမတွေ့ ရှိနိုင်ပါ။ တစ်ချို့ သော Virus များသည် Zip အထပ်ထပ်လုပ်၍ Password များခံကာထားသဖြင့် Full Version Anti Virus များပင် မစစ်နိုင်ပဲ ရှိနေတတ်ပါသည်။ သို့ပါ၍ Download မလုပ်မီ Comment များကို သေချာစွာ ဖတ်ရှုလေ့လာပြီးမှ Download လုပ်ယူကြပါရန် အထပ်ထပ်တိုက်တွန်းလိုက်ပါတယ်။

*** Movies များ ပျော်ရွှင်စွာ ခံစား ကြည့်ရှုနိုင်ကြပါစေ။***

ဝန်ခံချက်။ ။ ပို့စ်အဟောင်းလေးပါ။ မနေ့က သူငယ်ချင်းတစ်ယောက်က ရုပ်ရှင်Quality ကောင်းကောင်း Download လုပ်ချင်တယ်ဆိုလို့ သတိရသွားပြီး ပြန်တင်ဖြစ်တာပါ။

ဆန္ဒမွန်ဖြင့်
yu ya

“ခံစားမိသော ကဗျာလေးတစ်ပုဒ်”

“ခွင့်သာခိုက်မှ မလိုက်ချင်လျှင်”

ငါးအာရုံ အင်အစု
ခင်မှုနှင့် နေ့ကုန်
နင် ယခု မေ့ပုံလို
တွေ့မကြုံစခန်း။

ပါယ်လေးဝ သောကဘုံမှာ
မျောရရုံ ရှိတော့ကမန်း။
အောက်ဝီစိ သောင်းအငူမှာ
ခေါင်းမပြူ စတမ်း။

နှစ်အရှည် နှစ်မည်လမ်းကိုလ
နင် မျှော်စမ်း နင့်ကိုယ်။
ဒေသနာ ထင်အလင်းရယ်နှင့်
နင်အဖျင်း ပိုထက်သာပို။

သည်လောဘ စရိုက်အိုကို
မလိုက်လို ရှောင်ပစ်လို့
နောင်အသစ်တကယ်ပြင်လျှင်
ကောင်းဖို့ အစဉ်။

ခွင့်သာခိုက်ကမှ မလိုက်ချင်လျှင်
အမိုက် နင့်ပြင် ရှိသေးလေလိမ့်လား။

ခွင့်သာဆဲကမှ မခဲချင်လျှင်
အလွဲ နင့်ပြင် ရှိသေးလေလိမ့်လား။

ခွင့်သာတုန်းကမှ မရုန်းချင်လျှင်
အရှုံး နင့်ပြင် ရှိသေးလေလိမ့်လား။ (လယ်တီ ဆရာတော်)

ကျွန်တော်တို့ အထက်တန်းကျောင်းသားဘ၀က သင်ခဲ့ရတဲ့ ကဗျာလေးတစ်ပုဒ်ပါ။ မထင်မှတ်ပဲ ပြီးခဲ့တဲ့အပတ်က ဂျာနယ်တစ်စောင်မှာ ပြန်ဖတ်မိတာကြောင့် သတိရပြီး ရေးဖြစ်သွားတာပါ။

ဒီကဗျာလေးကို အင်မတန် ကြိုက်နှစ်သက်လို့ ဘာသာပြန်ဖို့ ကြိုးစားတာ ၅ ရက်လောက်ရှိသွားပါပြီ။ ဒီနေ့မှပဲ အပြီးသတ်နိုင်လို့ တင်လိုက်တာပါ။

15/10/2009
*အမှားပြင်ဆင်ချက်* ဟုတ်တယ် ကိုလူထွေးထောက်ပြသွားလို့ ကျေးဇူးအများကြီးတင်ပါတယ်။ ကျွန်တော်ရဲ့ ပေါ့ဆမှုကြောင့် ဘာသာပြန်တာ Stupid နှစ်ခါထပ်သွားရပြီး စာပိုဒ်လေးရဲ့ အဓိပ္ပါယ်လေးပါ လွဲချော်သွားရသလို ဖြစ်သွားပါတယ်။

17/10/2009
ဝန်ခံချက်။ ။ ဘာသာပြန်လက်ရာလေးကို ဆရာတော်ရဲ့ ကဗျာနဲ့ ယှဉ်တွဲမဖော်ပြချင်လို့ Comment ထဲမှာ ထည့်သွင်းပေးလိုက်မိတာပါ။ အခုလို မိတ်ဆွေတွေရဲ့ အကြံပေးချက်အရ ပို့စ်ထဲမှာ တင်ပေးလိုက်ပါတယ်။


“Seize the Chance or otherwise”

Rather attached to
Five fleshy lusts
Days crept; in such your lack of cognition
Final liberation from ignorance is still too far

Well-nigh aimless
Amid nether worlds of zero bliss
So it is the Avici Hell
Where you are to forever live.

Foreknow well. Be wise
To keep away from the cosmic vortex
Set against Dhamma Light,
So bright is your imbecility.

However loathing
Disposing of this deep-seated rapacity
Try to get a complete change
To aim for eternal, sinless gain.

Obviously Brainless:-

Disinclined when well-timed
Mind how stupid you are;

Vacillating when well-timed
Mind how mistaken you are;

Demoralized when well-timed
Mind how beaten you are.

(Translated in gracious homage by yu ya)

ဦးလူထွေး ထောက်ပြထားတာလေးကို mistaken လို့ ပြင်ထားပါတယ်။

ဆန္ဒမွန်ဖြင့်
yu ya

" Green Day - 21 Guns "

"21 Guns" - Green Day

Do you know what's worth fighting for?
When it's not worth dying for?
Does it take your breath away and you feel yourself suffocating?
Does the pain weigh out the pride?
And you look for a place to hide?
Did someone break your heart inside, you're in ruins

One, 21 Guns
Lay down your arms
Give up the fight
One, 21 Guns
Throw up your arms
in to the sky
You and I ...

When you're at the end of the road
And you lost all sense of control
And your thoughts have taken their toll
When your mind breaks the spirits of your soul
Your faith walks on broken glass and the hangover doesn't pass
Nothing ever built to last, you're in ruins

One, 21 Guns
Lay down your arms
Give up the fight
One, 21 Guns
Throw up your arms
in to the sky
You and I ...


Did you try to live on your own?
When you burned down the house and home?
Did you stand too close to the fire?
Like a liar looking for forgiveness from a stone

When it's time to live and let die
And you can't get another try
Something inside this heart has died, you're in ruins

One, 21 Guns
Lay down your arms
Give up the fight
One, 21 Guns
Throw up your arms
in to the sky
You and I ...

ညီမလေး နှင်းဟေမာ ရဲ့ Tag ပို့စ်လေးပါ။ အခု တစ်ပတ်ရဲ့ အကြိုက်ဆုံး သီချင်းနဲ့ နေ့တိုင်း လိုက်အော်ဆိုနေဖြစ်တဲ့ သီချင်းလေးပါ။ Transformers Revenge of the Fallen ရုပ်ရှင်ကြည့်ရင်းနဲ့ မမျှော်လင့်ပဲ ဒီသီချင်းလေး ကြားလိုက်ရတာပါ။ နောက်ပြီး ညီလေးတစ်ယောက်ရဲ့ Phone Call Tone လေးကလည်း ဒီသီချင်းလေးဖြစ်နေတယ်။ သူကို ဖုန်းခေါ်လိုက်တိုင်း သီချင်းသံလေးနားထောင်ရတာ နှစ်ခြိုက်နေမိတယ်။ ဒါနဲ့ပဲ ရှာပြီး Download ဆွဲလိုက်မိတယ်ဗျာ။

Green Day သီချင်းတွေကို ကျားပေါက် (ဟန်ထူးလွင်) က တော်တော်များများ ပြန်ဆိုထားတာရှိတယ်။ နောက်ပြီး စည်သူလွင်လည်း ဆိုထားတာရှိတယ်ဗျ။ ဒီသီချင်းတော့ ပြန်ဆိုထားတာ မကြားဖူးသေးဘူး။

ညီမလေး နှင်းဟေမာ ကျေနပ်နိုင်ပါစေ။ နားထောင်ဖြစ်နေကျ သီချင်းတွေကတော့ အများကြီးပဲ။ ကျွန်တော် Music Player လေးက သီချင်းတွေအားလုံးဟာ အမြဲနားထောင်နေကျ သီချင်းတွေပါပဲ။

ဆန္ဒမွန်ဖြင့်
yu ya

“ ကြောက်လွဲ - ရဲမင်းဖြစ် ”

Faint hearts never won fair lady.

ကြောက်တတ်သူတို့သည် မိန်းမချောနှင့် လွဲတတ်၏။

ဆန္ဒမွန်ဖြင့်
yu ya