“ဝေတစ်နေ့ ကြွေတစ်နေ့”

သူငယ်ချင်းတစ်ယောက် ဖုန်းဆက်လာသည် “ငါတို့ သူငယ်ချင်း လင်းဝေဟင်မောင် ဆုံးသွားပြီတဲ့..” ။

ဒီသတင်းကို ကြားလိုက်ရသည့် တဒင်္ဂအတွင်းမှာပင် ကျွန်တော် ကြက်သီးမွေးညင်းထသွားတာကတော့ အမှန်ပင်ဖြစ်ပါသည်။

ဝေတစ်နေ့ ကြွေတစ်နေ့။ ဘ၀၏ အန္တိမအဆုံးခရီးမှာ ကြွေလင့်ခြင်းပါတကား။




အမှန်အတိုင်းဆိုရပါလျှင် သေခြင်းဓမ္မသင်္ခါရခြေသံကို ကျွန်တော် အလန့်တကြား တွေးကြောက်နေမိခြင်းမှာ ကြာနေပြီ ဖြစ်ပါသည်။ တကယ်တော့ ဒါဟာ သဘာဝတရားမို့ တွေးထိတ်စရာလား။ စာရေးဆရာကြီး Bertrand Russell ကတော့ သူ့အမြင်ကို ကြည်လင်စွာ ဒီလိုပြောခဲ့ပါတယ်။
“လူအိုတစ်ယောက်သည် သေခြင်းတရားကို ကြောက်မည်မဟုတ်ပါ။ သူတန်ဖိုးထားနေသော အရာများသည် ရှေ့တွင် ဆက်လက်ဖြစ်ပွားနေမည်ဖြစ်သည့်အတွက် သေခြင်းတရားမှ ကင်းဝေးပါလိမ့်မည်။ အားခွန်တို့ ဆုတ်ယုတ်ကာ မောပန်းနွမ်းနယ်ခြင်း ကြီးမားလာသည့်အချိန်တွင် ငြိမ်းချမ်းစွာ အနားယူရတော့မည်ဟူသော အတွေးသည် မနှစ်သက်စရာမဟုတ်။ ကျွန်တော်သည် အလုပ်လုပ်ရင်းဖြင့်သာ သေသွားချင်ပါသည်။ ကျွန်တော် ဆက်မလုပ်နိုင်တော့သော အရာတို့ကို အခြားသူများက ဆက်လက်လုပ်ကြမည်ဟူသော အသိဖြင့် သေသွားချင်ပါသည်။ ကိုယ်က စဉ်းစာရုံသာ စဉ်းစာခဲ့သော အရာများသည် တစ်နေ့တွင် အကောင်အထည်ဖော်ပြီးသား ဖြစ်လိမ့်မည်ဟူသော ကျေနပ်နှစ်သိမ့်မှုဖြင့် ကျွန်တော် သေသွားချင်ပါသည်” တဲ့။

ဘယ်လောက်ကောင်းလိုက်တဲ့ အရသာရှိရှိ နူးနူးညံ့ညံ့သေနည်းလဲ။

ကျေးဇူးရှင် မိုးကုတ်ဆရာတော် ဘုရားကြီးကလည်း အကောင်းဆုံးနေနည်းဟာ အကောင်းဆုံး သေနည်းပဲဟူသည့် သဘောဆန်ဆန် ဟောပြောညွှန်ပြဆုံးမခဲ့ဖူးတာကို အမှတ်ရမိသည်။ ကျွန်တော်တို့ ဘယ်လို အကောင်းဆုံးနေနည်းတွေနဲ့ စင်ကြယ်သော လောကကြီးမှာ နေခဲ့ပါသလဲ။ မေးခွန်းထုတ်စရာတွေက တစ်ပုံတစ်ပင် ဖြစ်ပါသည်။



ဘ၀ဆိုတာ လျှပ်တစ်ပြက် သက်တံကွေးကွေးလေးပေါ်မှာ စင်စင်ကြယ်ကြယ် နေထိုင်ဖြတ်သန်းရင်း မြင့်မြင့်မြတ်မြတ် သေခြင်းစခန်းသို့ ခြေလှမ်းပြင်ဆင်နေကြသူတွေ အမြောက်အမြားရှိပါသည်။ အဲဒီအထဲမှာ ကျွန်တော်တို့ အားလုံး ပါဝင်နေကြမည် ထင်ပါသည်။

ခုဆို...။

ဘာလိုလိုနှင့် ကိုယ့်ကိုယ်ကို မှန်ထဲသေသေချာချာ ကြည့်သည့်အခါ အရုပ်အရောင်တွေ ရေကျကာ၊ နေ၀င်စဆံပင်နှင့်တကွ အရွယ်အသက်ကိုပါ ဆေးဆိုးကျားကန်ထားရသည့် အသွင်အပြင်ကို မြင်ရလေပြီ။ သို့တိုင်... ဘာမုန့်မှမကျက်သေး။

ကမ္ဘာကြီးတစ်ဝက် ထမ်းထားသလို (၇) ရက်သားသမီးများနှင့်လူတွေကို ကြီးပွားချမ်းသာအောင် လုပ်ဆောင်မပေးနိုင်သော်လည်း သူတို့နှင့် တွေ့လျှင် ရွှင်လန်းကြည်သာ ပြုံးပြဖို့၊ သူတို့ပြောတာကို နားထောင်ဖို့၊ ရိုးသားစွာ ချီးမွမ်းပြောဆိုဖို့၊ စေတနာနှင့် တိုက်တွန်းအားပေးဖို့ ကူညီနိုင်တာကို ကူညီဖို့ သို့မဟုတ် သူတို့ စိတ်ချမ်းသာအောင် အတတ်နိုင်ဆုံး ကိုယ့်ဘက်က လုပ်ပေးနိုင်ရေးကိုပဲ တွေးရင် အေးအေးသက်သာစွာဖြင့် လောကကြီးကို နောက်ဆုံး နှုတ်ဆက်ထွက်ခွာသွားရန် နှလုံးသွင်းနေမိပါသည်။

ဆန္ဒမွန်ဖြင့်
yu ya