Singapore National Day 2009 Preview Parade

Singapore နိုင်ငံရဲ့ NDP 2009 Preview Parade ကို ပါဝင်ဆင်နွှဲဖို့ ညနေ ၄နာရီလောက်မှစ၍ ကျွန်တော်တို့ အိမ်မှနေ၍ City Hall သို့ စတင်ထွက်ခွာလာခဲ့ပါသည်။ City Hall သို့ ညနေ ၅နာရီ သာသာလောက် ရောက်ရှိသွားခဲ့ပြီး Marina Bay ရဲ့ Floating Platform ပေါ်မှတဆင့် တံတားပေါ်ကို ၅ နာရီ ကျော်ကျော်လောက်တွင် ရောက်ရှိ နေရာယူခဲ့ကြပါသည်။

စင်မြင့်ထက်တွင်နေရာယူထားကြသော ပရိတ်သတ်ကြီး


ဝါသနာတူသူများ တံတားထက်၌ ဓာတ်ပုံရိုက်ယူနေရာယူထားပုံ


လေထီးခုန်ပြီး အခန်းအနားကို ဂုဏ်ပြုခြင်း။


လေကြောင်းမှလည်း တစ်ဖုံ။


ရေကြောင်းကလည်း တသွယ်။


နိုင်ငံတော်အလံကို လေကြောင်းမှ သယ်ဆောင်ဂုဏ်ပြုပုံ။


တိုက်လေယာဉ်များကလည်း ရင်တုန်မတတ်။


ရေကြောင်းမှလည်း အားကျမခံ အမြောက်ပစ်ဖောက်။


မီးပုံးလေများကလည်း တက်ရောက်ဂုဏ်ပြု။


မီးရှုးများဖြင့် ဂုဏ်ပြုပုံ။


Firework များဖြင့် ဂုဏ်ပြုခြင်း။


Firework များ



Firework များ။


နောက်ဆုံး Firework ဖြင့် ဂုဏ်ပြုပြီး အခမ်းအနား ပြီးဆုံးခြင်း။

နိုင်ငံတစ်နိုင်ငံဟာ သူ့နိုင်ငံကို ဘယ်လောက်တန်ဖိုးထားတယ်၊ ဘယ်လောက် ချစ်မြတ်နိုးတယ်ဆိုတာတွေကို ပါးစပ်က အရေမရ အဖတ်မရ စကားလုံးတွေနဲ့ မပြောပဲနဲ့ ပြောင်မြောက်တဲ့ စွမ်းဆောင်မှုတွေနဲ့ သရုပ်ဖော်သွားတာဟာ စကားလုံးတွေထက် ပို၍ ကျယ်လောင်စွာ မြည်ဟီးပြသွားတာပါပဲ။

ခဏတာကြည့်ရပေမယ့် စိတ်ထဲမှာ အင်မတန်မှ ခံစားရပါတယ်။ သူတို့နိုင်ငံသားတွေ သူတို့တိုင်းပြည်အပေါ် ဘယ်လိုချစ်မြတ်နိုးလဲ၊ ဘယ်လောက်တောင် တန်ဖိုးထားလဲဆိုတာကို ရပ်ကြည့်နေတဲ့ ကျွန်တော်တို့လို နိုင်ငံခြားသားတွေက မျက်ဝါးထင်ထင် တွေ့မြင်ရတော့ ရင်ဘတ်ထဲမှာ ဘယ်လိုခံစားချက်လည်းမသိဘူးဗျာ လှိုက်ခနဲ လှိုက်ခနဲ ဖြစ်သွားမိတယ်။ ကျွန်တော်သူငယ်ချင်းတစ်ယောက်ဆိုရင် မနှစ်က မျက်ရည်တွေဝဲပြီး အသံတောင် တိမ်သွားတယ်။ ဘယ်လို ခံစားချက်လည်းဆိုတာ ထုတ်ပြောပြလို့ မရလောက်အောင်ပါပဲ။ စကားလုံးတွေနဲ့ ပုံဖော်လို့ ရနိုင်မယ် မထင်ပါဘူး။ ကိုယ်တိုင် ခံစားကြည့်မှ သိနိုင်မှာပါဗျာ။

ဒါကြောင့် ကိုယ်တိုင် သွားမကြည့်ဖူးသေးတဲ့ သူငယ်ချင်းများကိုလည်း လာမယ့် August 09, 2009 မှာ ကျင်းပမယ့် Singapore National Day Parade 2009 ကို သွားကြည့်ကြပါလို့ တိုက်တွန်းချင်ပါတယ်ဗျာ။ ကိုယ်တိုင် သွားမကြည့်နိုင်ရင်တောင် TV ကနေပြီး လွှင့်တဲ့ အစီအစဉ်ကို ကြည့်စေချင်ပါတယ်။

ကျွန်တော်တို့ကော ဘယ်အချိန်လောက် ဒီလို ဂုဏ်ယူဖွယ်ရာကောင်းတဲ့ နိုင်ငံတစ်နိုင်ငံရဲ့ နိုင်ငံသူ နိုင်ငံသား တွေအဖြစ်နဲ့ တစ်ခြားနိုင်ငံခြားသားတွေရဲ့ ရှေ့ မှာ ရဲရဲဝံ့ဝံ့ ထည်ထည်ဝါ၀ါ ရပ်တည်နိုင်ကြမလဲဗျာ။

ကျေးဇူးတင်စွာဖြင့်
yu ya

ရောက်မိပါသော NTU Convocation 2009

ကျွန်တော်ရဲ့ ဘ၀မှာ ဘွဲ့နှင်းသဘင်ခန်းမဆိုတာကို ပထမဦးဆုံးအကြိမ်အဖြစ် ကျကျနန တက်ရောက်ဖူးတာပါ။

ကျွန်တော်တို့ရဲ့ နည်းပညာတက္ကသိုလ် ဘွဲနှင်းသဘင်ကျင်းပချိန် ၂၀၀၄ ခုနှစ် ဧပြီလတုန်းက....။ TOEFL အတွက် USIS မှာ သင်တန်းတက်နေရင်း နောက်ဆုံးစာမေးပွဲ တစ်ခုနဲ့ သွားရောက်တိုက်ဆိုင်နေတာကြောင့် တက်ရောက်ယူပါမည်လို့ Form ဖြည့်ထားသော်လည်းပဲ လွဲချော်ခဲ့ရဘူးပါတယ်။ အဲဒီတုန်းကတော့ သူငယ်ချင်းတွေ တက်ရောက်ယူခဲ့တာကို အိမ်ပြန်ရောက်မှပဲ အေးအေးဆေးဆေး မေးဖြစ်ခဲ့ပါတယ်။ သူတို့ ပြောပြခဲ့ပုံအရနဲ့၊ အပြိုင်အဆိုင် ဓာတ်ပုံရိုက်ချက်တွေကြည့်ရချက်အရတော့ အပူကြောက်တဲ့ ကျွန်တော်အတွက်တော့ မစဉ်းစားတတ်လောက်အောင်ပါပဲ။ ဒါနဲ့ပဲ ဘွဲ့လက်မှတ်လေးကို ကြိုကုန်းကျောင်းမှာ သွားထုတ်ယူပြီး သိမ်းထားခဲ့ရတာပါပဲ။ ဘွဲ့နှင်းသဘင်ခန်းမဆိုတာ ၀မ်းကွဲညီမတစ်ယောက် ဘွဲ့လာယူတုန်းက ဓာတ်ပုံသွားရိုက်ပေးတုန်း တစ်ချက်ပဲ ရောက်ခဲ့ဖူးပါတယ်။ ဘွဲ့နှင်းသဘင်ခန်းမဆိုတာ ကျွန်တော်ရဲ့ ခပ်လှမ်းလှမ်းမှာသာ ရှိနေခဲ့တာပါ။

ဒီလိုနဲ့ 28.07.2009 နေ့မှာ NTU Convocation 2009 ကို ကျွန်တော် မဟေသီ ဘွဲ့ယူရန် သူမနဲ့အတူ Taxi လေးငှားပြီး Nanyang Auditorium သို့ ညနေ ၄ နာရီခန့်မှာ ထွက်လာခဲ့ပါတော့သည်။ ဘွဲ့ဝတ်စုံအိတ်ကတစ်ဖက်၊ ဓာတ်ပုံရိုက်ဖို့ ကင်မရာအိတ်နဲ့ Tripod က တစ်ဖက်၊ အလုပ်ကိုဖြစ်နေ တော့တာပါပဲ။ ကျောင်းလည်းရောက်ရော။ အားပါး... လူတွေအများကြီးပဲ... ။ ဓာတ်ပုံတွေ အပြိုင်အဆိုင် ရိုက်နေကြတာ..။ ကျွန်တော်လည်း ကင်မရာကို White Balance တွေ၊ Shutter Speed တွေဘာတွေ စမ်းပြီး ကျွန်တော်မဟေသီကို တဖျောင်းဖျောင်း နဲ့နေအောင် ရိုက်တော့တာပဲ (ဓာတ်ပုံ..ကိုပြောတာနော်)။ ဓာတ်ပုံတွေအားလုံး ၄၉၉ ပုံတောင်ရိုက်ခဲ့တာ။ ကွန်ပျူတာထဲ မနည်းသွင်းရတယ် ..မ၀င်ချင်ဘူးလုပ်နေလို့..။

ဓာတ်ပုံတွေလည်း ရိုက်ရင်း ၅နာရီလောက်မှာ ခန်းမထဲဝင်ဖို့ ကျွန်တော်မဟေသီက Register သွားလုပ်ရပါ တော့တယ်။ ကျွန်တော်အတွက်ကတော့ Register လုပ်စရာမလိုဘူး။ ၀င်ဖို့ လက်မှတ်ကလေးကို လွန်ခဲ့တဲ့ နှစ်ပတ်လောက်ကတည်းက စာတိုက်ကနေ (၂)ယောက်စာ ပို့ထားလို့ ရပြီးသား။ ခန်းမထဲအ၀င်လမ်းလေးမှာ ကျွန်တော်မဟေသီတော့ ဘယ်လိုနေလဲမသိဘူး.. ကျွန်တော်ကတော့ ရင်တွေခုန်လာတယ်ဗျာ... ခန်းမအ၀င်က ပျူငှာစွာကြိုဆိုနေတဲ့ ဧည့်ကြိုကောင်မလေးတွေကြောင့် မဟုတ်တာ သေချာပါတယ်။ အဟီး..။



ခန်းမထဲလည်း လူတွေပြည့်လို့ ၅ နာရီ ခွဲကျော်ကျော်မှာ NTU ရဲ့ President နဲ့တကွ သက်ဆိုင်ရာ Professor တွေ ခန်းမထဲ ၀င်လာပြီဖြစ်ပါ၍ မတ်တတ်ရပ်ပြီး ကြိုဆိုဖို့ Announce လုပ်တာကို ကြားလိုက်ရပါတော့တယ်။ President နဲ့ Professor တွေ နေရာယူအပြီးမှာ စင်ကာပူနိုင်ငံတော်သီချင်းသံကို စတင်ကြားရပါတော့တယ်။ သီချင်းပြီးဆုံးလို့ President က အခန်းအနားစတင်ပြီဖြစ်ကြောင်း ကြေငြာပြီးတာနဲ့တပြိုင် EEE ရဲ့ Dean ကနေပြီး မိန့်ခွန်းပြောပါတယ်။ မိနစ် ၂၀ လောက်စကားတွေ ပြောအပြီးမှာ Ph.D ကို ဘွဲ့စတင် ပေးအပ်ပါတော့တယ်။ နောက်ပြီး Master တွေ။Master တွေပေးလို့ တစ်ဝက်လောက်လည်းရှိရော ဘွဲ့ပေးအပ်တာကို ခဏတာရပ်နားပြီးတော့ ဖျော်ဖြေရေးအစီအစဉ်တစ်ခုကို ၁၀ မိနစ်ခန့် စတင်ပါတော့တယ်။ တရုတ်ရိုးရာ စောင်းတီးကွက်လေးတစ်ခုကို တရုတ်မလေးတစ်ယောက်က ကျွမ်းကျွမ်းကျင်ကျင် တီးပြ ဖြေဖျော်သွားပါတယ်။



ဒီမှာ အလျင်းသင့်လို့ တစ်ခုလောက်ပြောချင်တယ်ဗျာ။ အမည်နာမဆိုတာနဲ့ ပက်သက်ပြီးတော့ပါ။ Announcer လုပ်တဲ့ Professor က မြန်မာနာမည်တွေကို တစ်ယောက်မှ ပီအောင် မဖတ်နိုင်ဘူးဆိုတာကို တွေ့ရသလို၊ အရမ်းနဲ့ ရှည်တဲ့ အိန္ဒိယနာမည်တွေ လည်း အများကြီး ကြားရပါတယ်။ ကျွန်တော်တွေ့ရသလောက် ဘွဲ့ယူတဲ့သူရဲ့ ထက်ဝက်ကျော်ဟာ အိန္ဒိယတွေများပါတယ်။ ဒါကြောင့် Announcer လုပ်တဲ့ Professor ရဲ့ လျှာတော့ ဘယ်လိုနေမလဲမသိဘူး.. နည်းနည်းလောက်လိုက်ဆိုခဲ့တဲ့ ကျွန်တော်လျှာတော့ ဒီကနေ့ထိအောင်ကို လိပ်နေသေးတယ်..အဟီး။ မြန်မာနာမည်တွေခေါ်လိုက်လို့ ကြားရတဲ့အသံက ရီစရာကောင်းနေရင် တချို့ တရုတ်တွေက ရီကြပါတယ်။ အိန္ဒိယနာမည် အရှည်ကြီးတွေ ခေါ်လိုက်ရင်လည်း တရုတ်တွေက ရီပြန်ရော။ အစပိုင်းကတော့ ကိုယ်လည်း ရောပြီး လိုက်ရီနေတာပါ။ နောက်တော့မှ အချဉ်ပေါက်လာပြီး ခပ်တည်တည်နေလိုက်တော့မှ ဘေးက တရုတ်က ငြိမ်သွားရော။

ဒါနဲ့ပဲ အားလုံးလည်း ဘွဲ့ယူအပြီး ထူးထူးခြားခြား အစီအစဉ်လေးတစ်ခုအဖြစ် Ph.D ဘွဲ့ရ တရုတ်မလေး တစ်ယောက်က သူ့ရဲ့ (၇) နှစ်တာ NTU တွင် ပညာဆည်းပူးခဲ့သော အတွေ့အကြုံများနဲ့ ကျေးဇူးတင်စကားပြောကြားပြီး သူမရဲ့ သူငယ်ချင်း ၃ ယောက်နဲ့အတူ Vitamin C ရဲ့ Graduation Song သီချင်းကို သံပြိုင်သီဆိုသွားကြပါတယ်။ အခမ်းအနားအပြီးမှာ President နဲ့ Professor များ ပြန်လည် ထွက်ခွာသွားအပြီးမှာ ကြေငြာလာတဲ့အသံတစ်ခုကြောင့် ကျွန်တော်အံအားသင့်သွားခဲ့ရပါတယ်။ “လူကြီးမင်းတို့ခင်ဗျာ... အားလုံးပဲ Buffet သုံးဆောင်ရန်ဖိတ်ကြားအပ်ပါသည်..”တဲ့။ ဒါနဲ့ပဲ ဘွဲ့နှင်းသဘင် ခန်းမထဲက ပြန်ထွက်လာကာ ဓာတ်ပုံအချို့ ရိုက်ပြီး Buffet ခမ်းမထဲကို ၀င်ခဲ့ပါတော့တယ်။

Buffet စားနေကြတဲ့သူတွေကို ဓာတ်ပုံတွေ ခိုးရိုက်ခဲ့တယ်ဗျ။ တစ်ချို့ ဆိုရင် ပလုတ်ပလောင်းစားနေတဲ့ပုံတွေ၊ တစ်ချို့ ကဆိုရင် ပန်းကန်ထဲ အပြည့်အမောက်ထည့်ထားတဲ့ပုံတွေ အများကြီးပဲ အဟီး.. ။ သိရင် စိတ်ဆိုကြမယ်နဲ့တူတယ်။ Buffet စာပြီးတော့ ကျွန်တော်မဟေသီက သူမရဲ့ သူငယ်ချင်းတွေနဲ့ ဓာတ်ပုံရိုက်ချင်တယ်ဆိုလို့ လိုက်ရိုက်ပေးပြီး ည (၉)ကျော်ကျော်လောက်မှာ NTU ကနေပြီး ပြန်လည် ထွက်ခွာလာခဲ့ပါတော့တယ်။

ကိုယ်တိုင်ဘယ်တော့များ တက်ခွင့်ရမလဲဆိုတာတွေးရင်း... Choa Chu Kang သို့။

ကျေးဇူးတင်စွာဖြင့်
yu ya